Burda göstərilən tarixə olan xəbərlər: Bazar Ertəsi, 11 Mart 2019

 

Milli Azadlıq Hərəkatının tanınmış simalarından olan Fərəməz Novruzoğlu Norveçin ölkəmizdəki sabiq səfiri Steynar Gilin Azərbaycanın imicinə zərbə vuran fəaliyyətinə tutarlı cavab verib. Qeyd edək ki, sabiq səfir bir neçə gündür ki, güya Naxçıvanda qədim erməni abidələrinin dağıdıldığına dair saxta təbliğata start verib. Azinforum.az Fərəməz Novruzoğlunun mövzu ilə bağlı ifadə etdiyi mövqeyi olduğu kimi təqdim edir:

“Müxalifət düşərgəsinin bir zamanlar “qanadsız demokrat mələyi” (ifadə Kamal Gasimova aiddi) hesab etdiyi Steynar Gilin ölkəmiz adına ləkə yaxmaq üçün başlatdığı çirkin kampaniya hələ də müzakirə olunmaqdadı. Xüsusi məmnuniyyətlə qeyd edim ki, bir çox vətənpərvər eloğlumuz (nə qədər qəribə olsa da əksəriyyəti Avropada yaşayanlardır, buradakılar susmaqda davam edirlər) Steynar Gilə layiqli cavab veriblər və tarixi faktlarla sübut edirlər ki, Naxçıvan heç bir zaman Ermənistana aid olmayıb, eramızın I əsrindən etibarən Albaniya çarlığına daxil olub. Oradakı xaçkarlar və xristian abidələri də albanlara aiddir. Sabiq səfirin bəhs etdiyi hadisədən məlumatsız olanlar isə haqlı olaraq sual edirlər: belə çıxır ki, Naxçıvan rəhbərliyi alban abidələrini məhv edib?
Dostlar, əsla o abidələr məhv edilməyib.
Səhv etmirəmsə, 2005-ci ildə Culfada – “Gülüstan” qalası deyilən ərazidə və xristian abidələrinin çoxluq təşkil etdiyi digər ərazilərdə dövlət tərəfindən təmir işlərinə başlanmışdı. Bəhs edilən yerlərdə xeyli alban xaçkarları var. Bu günün özündə də o abidələr durur – ərazi də təmir olunub və açıq muzeydir. 
Məsələ ondan ibarətdir ki, təmir işləri gedən zaman ərazi bağlı elan olunmuşdu, kimsə ora buraxılmırdı. Bundan istifadə edən maraqlı xarici qüvvələr Naxçıvan cəbhəçilərini (Asəf Quliyevin timsalında) və guya hüquq müdafiəçisi olan Məlahət Nəsibova adlı birisini qızışdırıb ortaya saldılar. İlk dəfə onlar bu fikri ortaya atdılar: guya Naxçıvanda erməni abidələri məhv edilir. 
Bu xidmətlərinə görə onlara Steynar Gilin yardımıyla 40 min dollara yaxın qrant da ayrılmışdı. 
Bir daha təkrar edirəm: Culfada heç bir erməni xaçkarı olmayıb, söhbət alban xaçkarlarından gedir və o xaçkarlar bu gün də yerində durur.
Vasif Talıbova və bütövlükdə Azərbaycan hakimiyyətinə müxalif mövqedə olmaq heç kimə əsas vermir ki, ölkəmizin imicinə xələl gətirən yalanları həqiqətmiş kimi bağırsın və Steynar Gil kimi gədələr də bundan istifadə edib, xalqımızı barbarlıqda suçlasın”.

Nəşr olunub CƏMİYYƏT

Ordumuzun bu gün başlayan genişmiqyaslı təlimlərində baş hədəf; Azərbaycan sülh prosesini torpedalayan düşmənlə güc dilində danışığa keçir - İrəvanda həyəcan...

Bu gün - martın 11-dən etibarən 15-dək müdafiə naziri, general-polkovnik Zakir Həsənovun rəhbərliyi altında Azərbaycan Silahlı Qüvvələrinin genişmiqyaslı təlimi başlayır. Nazirlikdən verilən məlumata görə, təlimlərə 10 min nəfərədək şəxsi heyət, 500-dək tank, zirehli texnika, eləcə də avtomobil və xüsusi texnika, 300-dək müxtəlif çaplı raket və artilleriya qurğusu, reaktiv yaylım atəş sistemi və minaatan, 20-dək müxtəlif təyinatlı ordu və cəbhə aviasiyası cəlb olunacaq.

Təlimlərdə qoşunlar hücum əməliyyatının hazırlanması, şərti düşmənə bir neçə istiqamətdə zərbə vurulması, onun müdafiəsinin yarılması və qruplaşmalarının darmadağın edilməsi, eləcə də düşmən ərazisinin dərinliyində yerləşən hərbi və strateji obyektlərə raket-artilleriya zərbələrinin endirilməsi tapşırıqlarını yerinə yetirəcək. Eyni zamanda, təlim mərkəzləri və ümumqoşun poliqonlarında müasir silah sistemləri və vasitələrinin tətbiqi ilə döyüş atışları, o cümlədən raket buraxılışları praktiki icra olunacaq.

*****

Göründüyü kimi, bu, sırf hücum taktikasına hesablanmış təlimdir və şübhə yox ki, son günlər Qarabağla bağlı radikal mövqe sərgiləyən, konstruktiv danışıqlarla bir araya sığmayan və nizamlama prosesini iflic edən bəyanatlar səsləndirən işğalçı ölkə rəhbərliyinə ayıldıcı təsir eləmək niyyəti güdür. O səbəbə budəfəki təlimlər Azərbaycanın hərbi gücünün bir daha düşmənə praktik nümayişi baxımından böyük önəm daşıyır.

Картинки по запросу Martın 11-də Hərbi Təlimlər

Təlimlər həm də rəsmi Bakının Ermənistanda hakimiyyət dəyişikliyindən sonra ilk dəfə Paşinyan hökumətinə sərt ismarışlar göndərməsi və xəbərdarlıq eləməsindən dərhal sonraya təsadüf eləməsi ilə diqqət çəkir. Belə ki, ötən həftə ATƏT sədri ilə Bakıdakı görüş zamanı Azərbaycan prezident İlham Əliyev Qarabağa dair sülh prosesinin pozulmasına görə bütün məsuliyyəti İrəvanın üzərinə qoyub. Ardınca Avropa Birliyinin Cənubi Qafqaz üzrə xüsusi nümayəndəsini qəbul edən zaman rəsmi Bakı mövqeyini bir daha xatırladıb və Ermənistan rəhbərliyinin danışıqların formatını dəyişdirməklə bağlı cəhdlərinə birdəfəlik nöqtə qoyub. “Ermənistan-Azərbaycan Dağlıq Qarabağ münaqişəsi beynəlxalq hüququn norma və prinsipləri əsasında, BMT Təhlükəsizlik Şurasının müvafiq qətnamələrinə uyğun olaraq Azərbaycanın ərazi bütövlüyü çərçivəsində həll edilməlidir və danışıqların formatı dəyişdirilə bilməz”, - Azərbaycan prezidenti bildirib.

Картинки по запросу Martın 11-də Hərbi Təlimlər

Azərbaycanın münaqişənin tezliklə ədalətli həllində ən maraqlı tərəf olduğunu deyən İlham Əliyev işğal olunmuş ərazilərin azad edilməsinin danışıqlar prosesinin həmişə vacib komponenti olduğunu vurğulayıb. O, həmçinin Ermənistan tərəfinin ziddiyyətli açıqlamaların qəbuledilməz olduğunu və danışıqlar prosesinə əngəl yaratdığını qeyd edərək, beynəlxalq ictimaiyyətin bunu ciddi şəkildə nəzərə almasının və Ermənistana ünvanlı bəyanatların çatdırılmasının vacibliyini qeyd edib.

Azərbaycanın xarici işlər naziri Elmar Məmmədyarov da keçən həftə düşmən tərəfə analoji xəbərdarlıqla çıxış edib. ATƏT sədrindən xahiş edib ki, İrəvana Bakıdan belə bir ismarış aparsın: “Biz indi xalqı sülhə hazırlayaq, yoxsa müharibəyə?”

Bunlar rəsmi Bakının Paşinyan iqtidarına müharibə xəbərdarlığıdır. Azərbaycan Ordusunun bu gün yüzlərlə hərbi texnika, aviasiya  maşınlarının cəlb olunduğu genişmiqyaslı təlimə başlamasını həmin xəbərdarlığın məntiqi davamı sayılmalıdır. Hərbi ekspertlər isə təlim adı ilə Azərbaycanın cəbhə xəttinə əlavə qüvvələr cəmləşdirmək niyyəti güddüyünə əmindirlər. Yəni hərbi təlimlər günün birində hərbi əməliyyatlara da keçə bilər.  

Похожее изображение

*****

Azərbaycan, təbii ki, öz sərhədləri daxilində silahlı qüvvələrinin yerini dəyişmək və ya ən əsası, işğal altındakı ərazilərinə yaxın yerlərdə böyük hərbi qüvvə cəmləmək kimi müstəsna hüquqa malikdir. Bu hüququ ona BMT Təhlükəsizlik Şurasının Qarabağa dair 4 məlum qətnaməsi, habelə Avropa Şurasının (AŞ PA), Avropa Parlamentenin, NATO Parlament Assambleyasının, İslam Əməkdaşlıq Təşkilatının və Qoşulmama Hərəkatının ərazi bütövlüyümüzü dəstəkləyən sənəd-qərarları verir.

Ermənistanın da təsdiqlədiyi BMT Nizamnaməsi isə hər bir ölkəyə öz ərazi bütövlüyünü bərpa eləmək üçün istənilən yola əl atmaq, o sırada antiterror əməliyyatları keçirmək haqqı tanıyır. Azərbaycan da özünün hərbi və döyüş potensialını artırmaq üçün gərəkəni edir, yeni və müasir silahlar, döyüş sistemləri əldə edir, öz hərbi-sənaye kompleksini yaradır və gücləndirir, vaxtaşırı həm fərdi şəkildə, həm də qardaş Türkiyə ilə birgə hərbi təlimlər, hərbi paradlar həyata keçirir. Ən əsası, Bakı torpaqlarını işğaldan qurtarmaq üçün əlverişli siyasi şərtlər fonunda qəfil hücum taktikasını cilalamaqdadır.

Diqqət çəkən həm də odur ki, Azərbaycan son illər özünün maliyyə potensialı hesabına qabaqcıl Qərb dövlətləri (ABŞ, Fransa) ilə də hərbi-texniki əməkdaşlığı gücləndirmək kursu götürüb. Bu da İrəvanda haqlı olaraq həyəcan və təlaşı artırıb...

*****

“ABŞ keçən ilin dekabrında Azərbaycana xeyli miqdarda, ümumi dəyəri 109 milyon dollar olan aviasiya-kosmik məhsullar ixrac edib. Bu məlumat ötən il üçün ABŞ-Azərbaycan ticarət statistikasında əksini tapıb. Mənbənin bildirdiyinə görə, Azərbaycan ABŞ-dan təyyarələr, kosmik texnologiyalar və peyklər alıb. Əlamətdardır ki, 2017-ci ildə ixracla bağlı belə bir maddə, sadəcə, mövcud olmayıb”.

“Yeni Müsavat” xəbər verir ki, bu barədə “Spitnik Armenii” portalı yazıb. Portal bununla bağlı erməni politoloq-amerikaşünas Suren Sərksiyanın mövqeyini öyrənib. Erməni ekspert deyib: “Hərçənd bu məhsullar formal olaraq mülki təyinatlıdır, gələcəkdə Bakının ABŞ-dan ikili təyinatlı texnologiyalar alacağını istisna eləmək olmaz. Nümunə üçün uzağa getməyə lüzum yox. Keçən il Azərbaycan ABŞ-dan ”Bell -412" mülki vertolyotlar almışdı. Ancaq Bakı onları hərbi vertolyotlar kimi təzədən quraraq ordunun öhdəsinə verdi. Bütövlükdə son illər ABŞ kosmosun mənimsənilməsində Azərbaycanın əsas tərəfdaşına çevrilir. Azərbaycan ABŞ və Fransa ilə birgə bu yöndə bir sıra layihələr həyata keçirir. Son bir ildə Bakı orbitə bir neçə peyk buraxıb. Lazım gələrsə, bu peyklər Ermənistan əleyhinə istifadə oluna bilər. Rəsmi İrəvan belə şərtlər fonunda praktik olaraq, ABŞ-la Azərbaycanın aviasiya və kosmos sahəsində əməkdaşlığına mane olmaq gücündə deyil. Bundan ötrü bizim resurs və imkanlarımız olduqca azdır".

“Yeni Müsavat” yada salır ki, ötən il dekabrın əvvəlində Bakıda səfərdə olan ABŞ müdafiə naziri müavininin köməkçisi Laura Kuper Azərbaycanın siyasi və hərbi rəhbərliyi ilə görüş zamanı Vaşinqtonun iki ölkə arasında hərbi əməkdaşlığı genişləndirməyə hazır olduğunu qeyd etmişdi. Maraqlıdır ki, ölkəmizə 109 milyon dollar həcmində ABŞ istehsalı olan aviasiya-kosmik məhsullar da məhz həmin ayda idxal edilib...  

Nəşr olunub SİYASƏT

 

 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Rusiya polisi azərbaycanlı iş adamları – Qod Nisanov və Zərah İliyevə məxsus “Sadovod” bazarında profilaktika reydi keçirib. 
Boyukmillet.com xəbər verir ki, bununla bağlı TASS agentliyi məlumat yayıb. 

“Hazırda bazarda profilaktika reydi keçirilir. Bazar ənənəvi qaydada fəaliyyətini davam etdirir”, - agentlik yazır. Mənbə əməliyyatın səbəblərini açıqlamayıb. 

Oxşar əməliyyat paralel olaraq “Moskva” ticarət mərkəzində də aparılır. 

Məlumata görə, əməliyyat zamanı onlarla miqrant saxlanılıb. 

“Həmin şəxslərin ölkəyə gəlişi ilə bağlı sənədləri, eləcə də, cinayət hadisələrinə aidiyyəti yoxlanılır”, - məlumatda qeyd edilib. 

“Kommersant” qəzetinin yaydığı məlumata görə, əməliyyat polis, Federal Təhlükəsizlik Xidməti və Rusiya qvardiyasının əməkdaşları tərəfindən keçirilir. 

Qeyri-rəsmi məlumatlara görə, əməliyyat müxtəlif etnik qruplar arasında son zamanlar baş verən silsilə münaqişələrlə əlaqədardır.
Nəşr olunub CƏMİYYƏT

Qazaxıstan prezidenti Nursultan Nazarbayev heç vaxt xoşbəxt milyarderlərlə rastlaşmadığını deyib və gənclərə sadə işlərdən utanmamağı tövsiyə edib.
 
Boyukmillet.com fed.az-a istinadən bildirir ki, “Qazaxıstanın 100 yeni siması” layihəsi çərçivəsində mərasimə qatılan N. Nazarbayev insanların imkanlarının sərhədsiz olduğunu deyib:
“Mən hər zaman gənclərə deyirəm: evləri təmizləmək ayıb deyil, düzdür? Ayıb odur ki, işsiz, bədbəxt olasan. Ayıb odur ki, qadınlar bədənlərini satır. Asanlıqla əldə olunmuş uğur xoşbəxtlik deyil. Zəngin valideynlərinizdən sizə miras qala bilər. Ancaq bununla gələcəyiniz olmayacaq. Təcrübəli biri kimi deyirəm: 10-20 milyardı olan xoşbəxt milyarder görmədim. Sizə intihar edən, həbsxanalara düşən milyarderlərin siyahısını təqdim edə bilərəm. Belə şeylər xaricdən xoşbəxtlik kimi görünə bilər. Ancaq əsl xoşbəxtlik əziyyətlə qazanılandır”.

Nəşr olunub SİYASƏT
Bazar Ertəsi, 11 Mart 2019 12:17

SƏNAN NƏCƏFOV: “Bu nə məntiqdir?”

Martın 8-də bir qrup “feministçilərin” bir araya gələrək, şəhərin mərkəzində uğursuz aksiya keçirmək cəhdlərinin ardınca, daha bir məsələ ictimai rəyin diqqətini cəlb etdi. Bu, AXCP sədri Əli Kərimlinin hazırda həbsdə olan müavini Gözəl Bayramlının adı altında özünü reklam etdirməsi cəhdidir. Belə ki, AXCP sədrinin və ətrafının 8 mart gününü G.Bayramlının adı ilə bağlamaq istəyi ona qarşı bəzi sualları yaradıb. Boyukmillet.com SİA-ya istinadən  xəbər verir ki, Qhtxeber saytının baş redaktoru Sənan Nəcəfov sosial şəbəkədə maraqlı detallara toxunaraq, suallarını ünvanlayıb. “Yekun olaraq bir sual da verim, bağlayaq bu söhbəti”, deyə qeyd edən baş redaktor əlavə edib: “Demək Kərimov Əli adına Xalq Cəbhəsi 8 martı Gözəl Bayramova ilə bağlayırlar. Allah xatirinə biri desin, bilək: bəs həbsdə olan başqa xanımlar? Onlar qadın deyillər? 8 martda təbrik olunmaq, diqqətdə saxlanması üçün Kərimov Əli adına Xalq Cəbhəsinin üzvü olmalıdır? Bu nə yanaşmadır? Bu nə məntiqdir? Bu nə ayrı-seçkilikdir? Bunlar özlərini nə sanırlar?”

Sənan Nəcəfov Əli Kərimlinin Gözəl Bayramovanın adı altında manipulyasiya etdiyini önə sürərək, bunun öz müavininin əslində həbsə qalması istəyi ilə bağlı olduğunu bildirib: “Kim istəyər ki, Azərbaycan qadını 8 martı həbsxanada keçirsin? Allah hamısının qapısını açsın. Amma belə məlum olur ki, Kərimov Əli adına Xalq Cəbhəsinə məhz Gözəl Bayramovaların həbsdə olması lazımdır. Çox məyusedicidir”.

Rövşən NURƏDDİNOĞLU

Nəşr olunub CƏMİYYƏT

Reytinq