Rusiya Suriyadakı ordusunu tam döyüş hazırlığı vəziyyətinə gətirdi – ABŞ-ın hər hansı hücumuna əks-zərbə ilə cavab veriləcək

09 Apr 2018
95 baxış

Şərqi Qutadan baş verən kimyəvi hücumdan sonra Rusiya ABŞ tərəfindən həyata keçirilə biləcək raket hücumu və ya hər hansı hərbi müdaxiləyə qarşı hərbi taktikasını dəyişdirib.

NTV-nin məlumatına görə, Rusiyanın Suriyada yerləşdirdiyi S-400 raketləri aktiv hala gətirilib. Miq-31 təyyarələri 24 saat növbə çəkməyə başlayıblar. ABŞ raketləri Əsəd rejiminin 20 bazasını hədəf aldığı bildirilir.

Hərbi bazaların bəzilərində rus hərbçiləri də var. ABŞ-ın rus əsgərlərin olmadığı bölgələri hədəfə aldığı bildirilir. Rusiya hərbçiləri olan bütün bazalarda həyəcan siqnalı verilib. Ehtimal olunan ABŞ müdaxiləsinə qarşı cavab olaraq ABŞ donanmasına məxsus gəmi və təyyarələrə atəş açılacağı bildirilir.

ABŞ-ın Əsədin hərbi bazalarını Aralıq dənizindəki gəmilərdən vura biləcəyi ehtimal edilir. (Avropa.info)

Bu xəbərə səs ver
(0 səslər)

Reytinq