Cümə axşamı , 2 Fevral 2023

ABL-də 12-ci tura Astarada yekun vurulub

Azərbaycan Basketbol Liqasında (ABL) 12-ci tura yekun vurulub.

Boyukmillet.com xəbər verir ki, turun son matçı Astara Olimpiya İdman Kompleksində keçirilib.

“Zirvə Astara BK” komandası doğma azarkeşlər önündə “Olimpik Şəki BK” basketbolçularını qəbul edib.

Oyun meydan sahiblərinin 85:80 hesablı qələbəsi ilə yekunlaşıb.

Qarşılaşmanın ən məhsuldar basketbolçular “Zirvə Astara BK”dan Ruşard Kruikşenk (30 xal, 9 ribaund), “Olimpik Şəki BK”dan isə Ceyson Brauer (23 xal, 6 ribaund) olublar.

Qeyd edək ki, ABL-də 13-cü turun oyunları 11, 14 və 15 yanvar tarixlərində baş tutacaq.

Check Also

Azərbaycan Yüksək Liqası: “Neftçi” MOİK-ə qalib gəlib

Kişi voleybolçular arasında Azərbaycan Yüksək Liqasında III tura start verilib. Boyukmillet.com xəbər verir ki, Voleybol …