Çərşənbə axşamı , 18 Fevral 2020
Home » Cəmiyyət » AMEA Naxçıvan Bölməsində “Türkdilli əlyazma və çap kitabları kataloqu” çapa hazırlanır

AMEA Naxçıvan Bölməsində “Türkdilli əlyazma və çap kitabları kataloqu” çapa hazırlanır

AMEA Naxçıvan Bölməsinin Əlyazmalar Fondunda “Türkdilli əlyazma və çap kitabları kataloqu” çapa hazırlanır.

Bölmənin İnformasiya şöbəsindən Boyukmillet.com-a bildirilib ki, bu münasibətlə fondda sözügedən nəşrin müzakirəsi keçirilib.

Kataloqun tərtibçisi fondun direktoru, filologiya üzrə elmlər doktoru Fərman Xəlilov qeyd edib ki, nəşrdə fondda mühafizə olunan 200-dək türkdilli əlyazma və çap kitabların elmi təsviri verilib. Oxucuların kataloqdan istifadəsini asanlaşdırmaq məqsədilə kitabın sonuna “Göstəricilər” bölməsi əlavə edilib.

Müzakirədə fond əməkdaşlarından fəlsəfə üzrə fəlsəfə doktoru, dosent Səbuhi İbrahimov, Fəxrəddin Eylazov, fondun elmi işçisi Kübra Vəliyeva və Nicabət İslamova çıxış edərək çapa hazırlanan kataloqun gələcəkdə aparılacaq tədqiqatlar üçün önəmli tarixi mənbəyə çevriləcəyini vurğulayıb, nəşrlə bağlı fikirlərini söyləyiblər.

Qeyd edək ki, Əlyazmalar Fondunda 500-dən çox qədim əlyazma və çap kitabları mühafizə olunur. 2016-cı ildən etibarən fond əməkdaşları həmin əlyazma və çap kitablarının kataloqunun hazırlanması işlərinə başlayıb. “Farsdilli əlyazma və əski çap kitablarının kataloqu” adlı ilk kataloq 2018-ci ildə bölmənin “Tusi” nəşriyyatı tərəfindən çap edilib.

Check Also

Ədliyyə nazirindən yeni təyinat – ÖZƏL

Ədliyyə Nazirliyində kadr dəyişikliyi olub.  Boyukmillet.com-un məlumatına görə, bu barədə müvafiq əmri Ədliyyə naziri Fikrət …