Cümə axşamı , 7 İyul 2022
Home » Daxili siyasət » AQC sədri Azərbaycanı beynəlxalq təşkilatda təmsil edəcək

AQC sədri Azərbaycanı beynəlxalq təşkilatda təmsil edəcək

Ötən həftənin cümə günü Azərbaycan Qiymətləndiricilər Cəmiyyətinin (AQC) hesabat-seçki yığıncağında qurumun sədri seçilən Vüqar Oruc Avrasiya Qiymətləndiricilər Birlikləri Şurasının Rəyasət Heyətinin üzvü seçilib.

Bununla bağlı Avrasiya Qiymətləndiricilər Birlikləri Şurasının sədri Nikolay Trifonovun adından yayılan açıqlamada deyilir:

Azərbaycan Qiymətləndiricilər Cəmiyyətinin sədri seçilməniz münasibətilə sizi Avrasiya Qiymətləndiricilər Birlikləri Şurasının adından və şəxsən öz adımdan təbrik edir, gələcək fəaliyyətinizdə uğurlar arzu edirəm!

AQC Azərbaycan Respublikasında müstəqil qiymətləndirmə sahəsində strateji bir funksiya yerinə yetirərək, Azərbaycan dövlətinin inkişafına öz mühüm töhfəsini verirlər. 2002-ci ildə təsis edilən Avrasiya Qiymətləndiricilər Birlikləri Şurasının fəal üzvü olaraq rəhbəri olduğunuz qurumun fəaliyyəti daim diqqətimizdədir. Təlimlərin keçirilməsi, sertifikatların verilməsi, milli qiymətləndirmə standartlarının yaradılması istiqamətində birgə fəaliyyətimiz tərəfimizdən təqdir olunur.

Avrasiya Qiymətləndiricilər Birlikləri Şurası dəfələrlə qiymətləndiricilərin beynəlxalq konqreslərini və konfranslarını təşkil edib. Belə konfranslardan ikisi Azərbaycanda – Bakı və Qəbələ şəhərlərində baş tutub. Assosiasiyamızın qaydalarına görə, Azərbaycan Qiymətləndiricilər Cəmiyyətinin İdarə Heyətinin sədri, müvafiq olaraq Avrasiya Qiymətləndiricilər Birlikləri Şurasının Rəyasət Heyətinin üzvü statusunu da daşıyır.

Son seçkilər zamanı əldə etdiyiniz qələbə həm də sizin Avrasiya Qiymətləndiricilər Birlikləri Şurasının Rəyasət Heyətinin üzvü kimi fəaliyyətinizi şərtləndirib. Əminəm ki, sizin rəhbərliyiniz dövründə Azərbaycan Qiymətləndiricilər Cəmiyyəti ilə Avrasiya Qiymətləndiricilər Birlikləri Şurası arasında əməkdaşlıq dərinləşəcək və biz birlikdə daha böyük uğurlara imza atacağıq”.

Check Also

Nazir: “Polis azad olunmuş ərazilərdə xidmətini böyük əzm və peşəkarlıqla davam etdirir”

Polis və Daxili Qoşunlar işğaldan azad olunmuş ərazilərdə öz şərəfli xidmətini böyük əzm və peşəkarlıqla …