Cümə , 22 Noyabr 2019
Home » Dünya » Azərbaycan millisi I Dünya Çimərlik Oyunlarında 2 medal qazanıb

Azərbaycan millisi I Dünya Çimərlik Oyunlarında 2 medal qazanıb

Azərbaycan milli komandası Qətərdə keçirilən I Dünya Çimərlik Oyunlarında 2 medal qazanıb.

Boyukmillet.com xəbər verir ki, 3-cü yarış günündə qadınlar arasında triatlonun akvatlon (üzmə, velosiped sürmə və qaçışdan ibarət multiidman) növü üzrə fərdi mübarizədə çıxış edən Kseniya Levkovska 30:03 nəticə ilə gümüş medal götürüb. Birinci yeri ispaniyalı Tous Franciska (29:38) tutub. Bürünc medala isə Rumıniyanı təmsil edən Manak Antoanela (30:17) layiq görülüb.

Eyni idman növündə kişilər arasında çıxış edən Rostislav Pevtsov bürünc medalı 26:43 nəticə ilə əldə edib. Həmin yarışda qızıl medalı ispaniyalı Kevin Vinuela (26:22), gümüş medalı isə Macarıstan təmsilcisi Devay Mark (26:29) qazanıb.

Qeyd edək ki, Azərbaycan millisi oktyabrın 16-dək davam edəcək I Dünya Çimərlik Oyunlarına 7 idmançı ilə qatılıb. Əldə edilən gümüş və bürünc komandanın ilk medalları olub.

Check Also

“Yeni Yasamal”da avtobus dayanacağını zəbt edən kimdir? – FOTO

Paytaxtın “Yeni Yasamal” ərazisində yaşayan bir qrup vətəndaş “Azinforum”a müraciət edərək , həmin məhəllədəki “Bizim …