Şənbə , 23 May 2020
Home » Gündəm » Azərbaycanda daha 76 nəfər koronaya yoluxdu: Ölən var

Azərbaycanda daha 76 nəfər koronaya yoluxdu: Ölən var

Azərbaycan Respublikasında 76 yeni koronavirus (COVID-19) infeksiyasına yoluxma faktı qeydə alınıb, 1 nəfər vəfat edib.

Boyukmillet.com bu barədə Nazirlər Kabineti yanında Operativ Qərargaha istinadən məlumat verir.

Məlumata görə, koronavirus (COVID-19) üçün götürülən analiz nümunələri müsbət çıxmış 1953-cü il təvəllüdlü, şəkərli diabet xəstəsi olan vətəndaşın səhhətinin stabilləşdirilməsi ilə bağlı aparılan reanimasiya tədbirləri nəticə verməyib. Onun ailə üzvləri və ünsiyyətdə olduğu digər şəxslər müəyyən edilir və karantinə götürülür.

Hazırkı dövrədək ölkəmizdə 717 nəfərin koronavirus infeksiyasına yoluxması faktı müəyyən edilib, onlardan 44 nəfəri müalicə olunaraq sağalıb, 8 nəfər vəfat edib, 665 nəfərin xüsusi rejimli xəstəxanalarda müalicəsi davam etdirilir.

Həmin şəxslərdən 23 nəfərin vəziyyəti ağır, 31 nəfərin vəziyyəti orta ağır qiymətləndirilir, digərlərinin səhhəti stabildir.

Ötən müddət ərzində yeni yoluxma hallarının müəyyənləşdirilməsi ilə əlaqədar 53 300 test aparılıb.

Check Also

Mübariz Mənsimovun həbsinə dəstək verən – “həmyerlilərimiz”

Mübariz Mənsimovun həbsinə dəstək verən “həmyerlimiz” Elnur Abdullayev, Həmid Həmidov və Məmməd Gülməmmədov. Xəbər veridiyimiz …