Çərşənbə axşamı , 31 Mart 2020
Home » Dünya » Azərbaycanın göndərdiyi yardım Çinin koronavirus yayılan şəhərinə çatdı – FOTOLAR

Azərbaycanın göndərdiyi yardım Çinin koronavirus yayılan şəhərinə çatdı – FOTOLAR

Sumqayıt şəhər İcra Hakimiyyəti Sumqayıtla dostluq və əməkdaşlıq əlaqələri olan Çinin Mienyen şəhərinə yardım məqsədi ilə göndərdiyi tibbi ləvazimatlar ünvana çatıb.

Boyukmillet.com xəbər verir ki İcra Hakimiyyətindən verilən məlumata görə, Mienyen sakinləri və şəhər rəhbərliyi bununla bağlı Sumqayıt Şəhər İcra Hakimiyyətinə təşəkkür məktubu ünvanlayıb.

Bildirilib ki, bu ləvazimatlar dəstinin istifadəsi şəhərdə epidemiyanın qarşısının alınmasında və nəzarətdə saxlanılmasında xeyli köməyi olacaq: “Qətiyyətlə inanırıq ki, Sumqayıtın köməyi və şəhər sakinlərinin birgə səyləri ilə epidemiyaların qarşısını almaq üçün bu mübarizədə ümumi bir qələbə qazana biləcəyik”.

Qeyd edək ki, Sumqayıtla dostluq və əməkdaşlıq əlaqələri olan Çinin Mienyen və Sian şəhərlərindən Sumqayıt şəhər İcra Hakimiyyətinə müvafiq köməyin göstərilməsi ilə bağlı daxil olmuş müraciətlər əsasında bu şəhərlərə tibbi ləvazimatların göndərilməsi ilə bağlı qərar qəbul edilib. Hər iki şəhərə koronavirusla mübarizə üçün ehtiyac duyulan tibbi ləvazimatlar göndərilib.

Çinin Gigiyena və Səhiyyə məsələləri üzrə Dövlət Komitəsinin məlumatına görə Çində yeni növ koronavirus qurbanlarının sayı 1770 nəfər təşkil edir, 10,8 mindən çox insan virusdan xilas olunub, pnevmoniyanın başlamasından bəri yoluxanların sayı isə 70,5 mindən çox olub.

Check Also

Azərbaycanlılara qarşı soyqırımından 102 il ötür

Erməni daşnaklarının bolşeviklərlə birgə azərbaycanlılara qarşı həyata keçirdiyi soyqırımının ildönümüdür. Soyqırımından 102 il ötür. 1918-ci …