Bazar ertəsi , 25 Sentyabr 2023

“Azdrama”ya qarşı dələduzluq edilib, zərərçəkənlər var

Akademik Milli Dram Teatrına (“Azdrama”) qarşı dələduzluq edilib, zərərçəkənlər var.

Boyukmillet.com xəbər verir ki, bu barədə teatrın yaydığı müraciətdə qeyd edilib.

Bildirilib ki, beynəlxalq kibercinayətkar qrup saxta yolla yaratdığı https://theatre-azdram.com/azb/events domenli sayt vasitəsi ilə onlayn şəkildə insanlara tamaşa biletləri təklif edir:

“Saytın domenində olan “azdram” sözü insanlarda çaşqınlıq yaradır ki, guya tamaşalar qeyd olunan tarixdə Akademik Milli Dram Teatrında oynanılacaq. 50 manata təklif olunan onlayn bileti almaq üçün qarşı tərəfdən hesab nömrəsinin məlumatlarının daxil edilməsi tələb olunur. Bu yolla məlumatlar əldə olunur və cinayətkar şəbəkə tərəfindən vəsait mənimsənilir.

Təəssüf ki, aldanan vətəndaşlar var. Akademik Milli Dram Teatrının rəhbərliyi diqqətinizə çatdırır ki, Komediya Teatrı adı ilə təqdim olunan bu müəssisənin bizimlə heç bir əlaqəsi yoxdur. Məsələ ilə bağlı Rəqəmsal İnkişaf və Rabitə Nazirliyinə müraciət olunub”.

Check Also

Çində VI Beynəlxalq İpək Yolu Sərgisi işə başlayıb

Dunhuanda 6-cı Beynəlxalq İpək Yolu Sərgisi işə başlayıb. Boyukmillet.com xəbər verir ki, Mədəniyyət Nazirliyinin rəsmi …