Cümə axşamı , 1 Dekabr 2022
Home » Region » BMT-nin ali komissarı: “İranda 14 min etirazçı həbs olunub, 300-dən çoxu öldürülüb”

BMT-nin ali komissarı: “İranda 14 min etirazçı həbs olunub, 300-dən çoxu öldürülüb”

“Əldə etdiyimiz məlumata əsasən, İranda etiraz aksiyaları zamanı uşaqlar da daxil olmaqla 14 min nəfər saxlanılıb, 300-dən çox insan öldürülüb. Qətlə yetirilənlərdən 40-ı uşaqdır”.

Boyukmillet.com  xəbər verir ki, bunu BMT-nin İnsan Hüquqları üzrə ali komissarı Folker Türk noyabrın 24-də qurumun İnsan Hüquqları Şurasının xüsusi iclasında bildirib.

Onun sözlərinə görə, Mehsa Əmininin qətlinə etiraz olaraq sentyabrın 16-dan İranda davamlı etiraz aksiyaları keçirilir: “İranın 31 əyalətinin 150 şəhərində və 140 universitetində etiraz aksiyaları olub. Etnik azlıqların yaşadığı regionlar daha çox qurban veriblər”.

Ali komissar deyib ki, etnik azlıqların parlamentdəki nümayəndələri etiraz aksiyalarını zorakılıq yolu ilə yatırdığına görə İran hakimiyyətini tənqid edib.

Qeyd edək ki, İranın rəsmi mənbələri 2500 yaxın aksiya iştirakçının həbs olunduğunu açıqlayıb. Onların 4 barəsində edam hökmünün çıxarılmasına dair məlumatlar yayılıb.

Check Also

İranda hərbi-polis qüvvələri eyvanda oynayan uşağa atəş açıb, 6 yaşlı qız gözünü itirib

İranın İsfahan əyalətinin Məlekşəhr şəhərində öz evlərinin eyvanında oynayarkən İran hakimiyyətinin hərbi-polis qüvvələrinin açdığı atəş …