Bazar , 6 Dekabr 2020
Home » Cəmiyyət » DİN vətəndaşları karantin rejiminə əməl etməyə çağırdı

DİN vətəndaşları karantin rejiminə əməl etməyə çağırdı

Daxili İşlər Nazirliyi (DİN) məlumat yayıb.

DİN-in Mətbuat xidmətindən daxil olan məlumatda deyilir:

“Azərbaycan Respublikasının Prezidenti, Silahlı Qüvvələrin müzəffər Ali Baş Komandanı cənab İlham Əliyevin rəhbərliyi ilə Ağdam rayonunun düşmən işğalından tamamilə azad edilməsi münasibətilə hər bir vətəndaşımızı ürəkdən təbrik edirik!

Bununla yanaşı, xatırlatmaq istəyirik ki, Nazirlər Kabinetinin 2020-ci il 19 noyabr tarixli Qərarı ilə Azərbaycan Respublikasının ərazisində xüsusi karantin rejiminin müddəti uzadılıb. Odur ki, vətəndaşlarımızdan xüsusi karantin rejiminin tələblərini pozmamağı, o cümlədən sosial məsafəni gözləmələrini və tənəffüs yollarını qoruyan tibbi maskalardan mütləq qaydada istifadə etmələrini xahiş edirik.

Bütün tədbirlər vətəndaşların təhlükəsizliyinin təmin edilməsi, Azərbaycanın hər bir sakininin sağlamlığının qorunması məqsədilə həyata keçirilir.

Səbrli və anlayışlı vətəndaşlarımıza əvvəlcədən təşəkkür edirik”.

Check Also

Naxçıvanda Vətən müharibəsində şəhid olanların xatirəsi anılıb

Ölkəmizin hər yerində olduğu kimi, muxtar respublikanın paytaxtı Naxçıvan şəhərində və rayon mərkəzlərində də Vətən …