Şənbə , 25 Sentyabr 2021
Home » Gündəm » Ermənilərin itkisi 4-ə çatdı: Ovannisyan isə “üzə” çıxdı

Ermənilərin itkisi 4-ə çatdı: Ovannisyan isə “üzə” çıxdı

Ermənistan-Azərbaycan sərhədinin Kəlbəcər istiqamətində erməni hərbi birliklərinin təxribatı davam edərkən 44 günlük savaşdan sonra müharibə müddətində danışdığı saysız-hesabsız yalanlarına görə lənətlənən və buna görə də yoxa çıxan Artsrun Ovannisyan “tapılıb”.

Boyukmillet.com xəbər verir ki, Ovannisyan bugünkü döyüşlərlə bağlı erməniləri “diqqətli olmağa” səsləyən paylaşım edib.

Erməni Teleqram kanalları isə hazırda davam edən atışma ilə bağlı müxtəlif iddialar səsləndirməkdədirlər. “Mirotvorets” kanalı əslində Ermənistan MN-nin itkilərlə bağlı yaydığı məlumatın həqiqəti əks etdirmədiyini, ölü sayının 3 deyil, 4 olduğunu, yaralıların isə 3 nəfər olduğunu yazıb.

Eyni zamanda ermənilərin bir hərbi postdan qovulduğunu da sosial şəbəkə istifadəçiləri qeyd edirlər.

Qeyd edək ki, Ermənistan Müdafiə Nazirliyi bu gün yaydığı ilk açıqlamada 2 əsgərin yaralandığını, 5 əsgərin isə taleyinin naməlum olduğunu açıqlamışdı. İkinci açıqlamada isə 3 erməni əsgərin öldüyü, ikisinin yaralandığı bildirildi. Teleqram kanalları isə digər iki əsgərin taleyinə aydınlıq gətirilmədiyini bildirir. 

Check Also

Naxçıvanın keçmiş daxili işlər naziri 9 milyon manat rüşvət alıb

Naxçıvan Muxtar Respublikasının sabiq daxili işlər naziri Əhməd Əhmədovun aldığı rüşvətin məbləği məlum olub. Boyukmillet.com …