Şənbə , 2 Dekabr 2023

Ermənistanın baş naziri: “Rusiya ilə strateji tərəfdaşlıq alətləri İrəvanın xarici təhlükəsizliyini təmin etmədi”

“Biz 2022-ci ilin dekabrında Roma statutunu ratifikasiya etmək qərarına gəldik, o zaman ki, hamımıza KTMT və Ermənistan-Rusiya strateji tərəfdaşlıq alətlərinin İrəvanın xarici təhlükəsizliyini təmini üçün kifayət etmədiyi aydın oldu”.

Boyukmillet.com xəbər verir ki, bunu Ermənistanın Baş naziri Nikol Paşinyan söyləyib.

Onun sözlərinə görə, Roma Statutunun ratifikasiyası Ermənistana xarici təhlükəsizliyi təmin etmək üçün Beynəlxalq Cinayət Məhkəməsinin imkanlarından istifadə etməyə imkan verəcək.

2022-ci ilin sonunda Nazirlər Kabineti Beynəlxalq Cinayət Məhkəməsinin Roma Statunun ratifikasiyası prosesinə başlayıb. 2023-cü ilin martında Ermənistan Konstitusiya Məhkəməsi Roma Statutunun ölkənin əsas qanununa uyğun olduğunu tanıyıb.

Check Also

Türkiyəli ekspert: “Ermənistanda uşaqları terror təşkilatına cəlb edirlər”

Türkiyəli siyasi ekspert Deniz Atasoy Ermənistanda uşaqların terror təşkilatına cəlb olunduğunu deyib. Boyukmillet.com xəbər verir …