Bazar ertəsi , 24 Fevral 2020
Home » Mədəniyyət » Ermitaj Azərbaycan muzeyi ilə əməkdaşlıq edəcək

Ermitaj Azərbaycan muzeyi ilə əməkdaşlıq edəcək

Ermitaj Azərbaycan Milli Xalça Muzeyi ilə əməkdaşlıq müqaviləsi imzalayıb.

Boyukmillet.com “Peterburqskie vedomosti”yə istinadən xəbər verir ki, ilk birgə aksiya noyabr ayında Sankt-Peterburq Beynəlxalq Mədəniyyət Forumu zamanı açılacaq xalça sərgisi olacaq.

2020-ci ildə Azərbaycan forumun qonaq ölkəsidir.

Saziş çərçivəsində Azərbaycan Milli Xalça Muzeyinin direktoru Şirin Məlikova və Ermitajın qiymətli və arxeoloji metalların elmi bərpası laboratoriyasının müdiri İqor Malkielin koordinatoru olacağı “Pazırıq xalçası” layihəsi nəzərdə tutulur. Bu laboratoriyada görmə qabiliyyəti zəif olanlar üçün əl işlərinin irihəcmli modellərinin yaradılması üçün metod işlənib hazırlanıb. Bu sərgidə dünyanın ən qədim, e.ə. IV-III əsrlərə aid edilən xalçasına məhz bu metodla da baxmaq olacaq.

Azərbaycan Milli Xalça Muzeyində unudulmuş xalçaçılıq texnologiyasını bərpa edən tədqiqat mərkəzi var. Toxucular görmə qabiliyyəti zəif olan insanlar üçün Pazırıq xalçasının fraqmentlərinin irihəcmli nüsxələrini yaratmaq məqəsdilə Ermitajın metodologiyasını və öz bacarıqlarını birləşdirəcəklər. Bu həm də hər kəsin köhnə ustaların əməyini daha yaxşı qiymətləndirməsinə imkan verəcək.

Check Also

Yeni bir dahi yetişir – Cəmi 10 yaşı var – VİDEO

Türkiyədə 10 yaşlı Atakan adlı uşağın videosu son günlərin ən çox müzakirə edilənləri arasında yer …