Bazar ertəsi , 30 Noyabr 2020
Home » Gündəm » Gürcüstanda sərt karantinin tətbiqi gözlənilir

Gürcüstanda sərt karantinin tətbiqi gözlənilir

Gürcüstan hökumətinin ölkədə epidemioloji vəziyyətin pisləşməsi səbəbindən ümümi karantin elan edəcəyi gözlənilir.

Boyukmillet.com xəbər verir ki, bu barədə yerli mətbuat yazıb.

Məlumata əsasən, ümumi sərt karantin rejiminin noyabrın 21-də keçiriləcək parlament seçkilərinin II turundan sonra tətbiqi nəzərdə tutulub. Xüsusi rejim noyabrın 24-dən dekabrın 7-dək qüvvədə saxlanılacaq.

Sərt məhdudiyyətlərin ictimai nəqliyyat və iri ticarət mərkəzlərinin fəaliyyətinə şamil olunacağı bildirilib.

“Lokdaun”un müddətinin dekabrın 7-dən sonra uzadılacağı da istisna edilmir.

Gürcüstanın Xəstəliklərə Nəzarət və İctimai Sağlamlıq Milli Mərkəzinin rəhbəri, baş epidemioloq Amiran Qamkrelidze öz növbəsində bildirib ki, ölkədə qüvvədə olan məhdudiyyətlər genişləndiriləcək, ümumi karantin isə planlaşdırılmır.

Check Also

Ermənilər əsgər övladlarının əsir düşəcəyi qorxusu ilə Yerevanda aksiya keçirirlər

Ermənistanın müdafiə naziri Vaqarşak Arutunyan əsgər valideynləri ilə görüş zamanı bildirib ki, onların övladlarını Ermənistana …