Çərşənbə , 26 Yanvar 2022
Home » Siyasət » İctimai Şura Tofiq Yaqubluya qarşı zor tətbiq edilməsi ilə bağlı Nazirliyə müraciət etdi
?????????????????????????????????????????????????????????

İctimai Şura Tofiq Yaqubluya qarşı zor tətbiq edilməsi ilə bağlı Nazirliyə müraciət etdi

Daxili İşlər Nazirliyi yanında İctimai Şura 1 dekabrda Bakı şəhərində Fəvvarələr meydanı ərazisində keçirilən aksiyada baş verənlər  və saxlanılan şəxslərə bağlı  Nazirliyə müraciət edib. Bu barədə İctimai Şuranın sədri Əliməmməd Nuriyev QHT.az məlumat verib.


Daxili İşlər Nazirliyi yanında İctimai Şura tərəfindən M Ü R A C İ Ə T

Dekabrın 1-də Bakı şəhərində Fəvvarələr meydanı ərazisində müvafiq qaydada razılaşdırılmayan aksiyanın keçirilməsinə cəhdin qarşısının alınması zamanı bir qrup şəxsin saxlanılması ilə bağlı rəsmi məlumat yayılıb. Saxlanılan şəxslər arasında xəsarət alanların olması ilə bağlı gün ərzində sosial şəbəkələrdə foto və video materiallar yayılıb. Saxlanılan şəxslər arasında olan Tofiq Yaqublunun KİV-də yayılan görüntülərindən onun fiziki təzyiqə məruz qalması aşkar görünür. Daxili İşlər Nazirliyi yanında İctimai Şura hesab edir ki, polis razılaşdırılmayan aksiyalar zamanı ictimai qaydanı qorunması və ictimai təhlükəsizliyi təmin edilməsi vəzifəsini yerinə yetirərkən insan hüquq və azadlıqlarının qorunması üçün zəruri tədbirlər görməlidir. 


Azərbaycanın beynəlxalq aləmdə mövqelərinin möhkəmləndiyi indiki zamanda Tofiq Yaqubluya qarşı zor tətbiq edilməsi ölkəmizin nüfuzunu salınmasına hesablanmış davranış da ola bilər.
Daxili İşlər Nazirliyi yanında İctimai Şura baş verənlərin obyektiv və hərtərəfli araşdırılmasına, araşdırmanın nəticəsi ilə bağlı ictimaiyyətə geniş məlumat verilməsinə, günahkarların müəyyən edilərək cəzalandırılmasına çağırır.

Check Also

Azərbaycan – Ukrayna münasibətləri yeni inkişaf mərhələsinə qədəm qoyur

Yanvar ayının 14-də Azərbaycan Respublikasının Prezidenti İlham Əliyevin Ukraynaya  işgüzar səfəri ölkələrimiz və xalqlarımız arasında …