Şənbə , 18 Yanvar 2020
Home » Dünya » İlkin Nərmini niyə qaçırdığını istintaqa açıqlayıb: 4 gün yemək verib… — YENİ ŞOK DETALLAR

İlkin Nərmini niyə qaçırdığını istintaqa açıqlayıb: 4 gün yemək verib… — YENİ ŞOK DETALLAR

Nərminin yandırılarkən videoya çəkilməsi barədə bizdə məlumat yoxdur.

BOYUKMILLET.COM bildirir ki, bu sözləri Axar.az-a açıqlamasında Tovuz rayonunun Dondar Quşçu kəndində oğurlandıqdan 45 gün sonra yanmış meyiti tapılan 10 yaşlı Nərmin Quliyevanın yandırılan zaman videoya çəkilməsi barədə danışan əmisi Lətif Quliyev deyib.

O bildirib ki, İlkin Süleymanova kimlərin kömək etməsi və Nərminə təcavüz edilib-edilməməsi barədə dəqiq məlumat hüquq mühafizə orqanları tərəfindən yaxın günlərdə ictimaiyyətə açıqlanacaq.

L.Quliyev İlkin Süleymanovun kənddə kimləsə ədavətdə olması və ya bundan əvvəl hansısa qadına və yaxud kiməsə əxlaqsız hərəkət etməsi barədə heç vaxt eşitmədiklərini qeyd edib.

Nərmin Quliyevanın nənəsi Minayə Quliyeva isə saytımıza açıqlamasında bildirib ki, İlkin Süleymanov Nərmini guya oxutmaq məqsədi ilə qaçırdığını deyib:

“Özü ifadəsində deyib ki, Nərmini oxutmaq üçün qaçırıb. 4 gün yemək verib. Sonra sözünə baxmadığı üçün başına daşla vurub. Nərminin qətlində əli olan digər şəxslər barədə hələlik araşdırma aparılır”.

Qeyd edək ki, mətbuatda Tovuz rayonunun Dondar Quşçu kəndində oğurlandıqdan 45 gün sonra öldürülüb yandırılan 10 yaşlı Nərmin Quliyevanın yandırılan zaman videoya çəkilməsi barədə məlumat yayılıb.

Check Also

İSBAM rəhbərliyi Şəhidlər Xiyabanını ziyarət ediblər – FOTOLAR

İctimai Siyasi Proseslər Beynəlxalq Araşdırmalar Mərkəzinin (İSBAM) rəhbərliyi 20 yanvar faciəsinin 30-cu ildönümü ilə bağlı …