Bazar , 21 İyul 2019
Home » Mədəniyyət » İrəvan teatrı qastrol səfərinə hazırlaşır

İrəvan teatrı qastrol səfərinə hazırlaşır

İyulun 3-də Gəncə şəhərində şair, yazıçı Sevinc Elsevərin Xocalı soyqırımı faciəsinə həsr olunmuş “Ürəyində arzu tut” pyesi əsasında hazırlanan yeni tamaşanın premyerası olacaq.

Bu barədə boyukmillet.com-a Cəfər Cabbarlı adına İrəvan Dövlət Azərbaycan Dram Teatrının mətbuat katibi Teymur Bayramov məlumat verib.

Bildirib ki, teatrın kollektivi tərəfindən səhnələşdirilən tamaşanın quruluşçu rejissoru, Əməkdar artist Sərvər Əliyev, rejissor köməkçisi Bəhruz Hikmətoğlu, quruluşçu rəssamı Vahid Mürsəliyev, musiqi tərtibatı Çingiz Xəlilovdur.

Rollarda Əməkdar artist Xatirə Süleymanova, aktyorlar Şəbnəm Cabrayılova, Bəhruz Hikmətoğlu, Məhərrəm Musayev, Ruhiyyə Eyvazova, Niyaməddin Səfərəliyev, Sevinc Hüseynova və Arzuman Tanrıverdi çıxış edəcəklər.

Xatırladaq ki, Mədəniyyət Nazirliyinin təşəbbüsü, regional mədəniyyət idarələrinin təşkilatçılığı ilə İrəvan teatrının kollektivi iyulun 3-dən 12-dək şair, yazıçı Sevinc Elsevərin “Ürəyində arzu tut” tamaşası ilə Gəncə, Sabirabad və Şəki də qastrol səfərində olacaq.

Check Also

Danimarka ictimaiyyətinə Azərbaycanın tarixi və mədəniyyəti haqqında məlumat verilib

Danimarkanın Lungbü şəhərində “İnteqrasiya Günü” münasibətilə tədbir keçirilib. boyukmillet.com xəbər verir ki, ölkəmizi tədbirdə həmişəki …