Çərşənbə , 26 Yanvar 2022
Home » Qarabağ » Qarabağ » Qarabağda biznes fəaliyyəti göstərmək üçün 900-dan çox müraciət daxil olub

Qarabağda biznes fəaliyyəti göstərmək üçün 900-dan çox müraciət daxil olub

Azərbaycanın işğaldan azad edilmiş ərazilərində sahibkarlıq fəaliyyətinin həyata keçirilməsi ilə bağlı İqtisadiyyat Nazirliyinə 900-dən çox müraciət daxil olub.

Boyukmillet.com  xəbər verir ki, bunu nazir müavini Sahib Ələkbərov Şamaxıda keçirilən “İşğaldan azad edilmiş ərazilərin innovativ iqtisadi inkişaf imkanları” mövzusunda elmi-praktiki konfransda deyib.

Onun sözlərinə görə, müraciətlərin təxminən 1/3-i xarici, qalanı isə yerli şirkət və sahibkarlara məxsusdur.

“İnvestisiya layihələrinin prioritetliyi təhlil edilir, potensial layihələr müəyyənləşdirilir və informasiya bazasına daxil olunur. İnnovasiya fəallığının artırılması və iqtisadi canlanmanın təşkili, bu sahədə çalışacaq sahibkarlar üçün stimullaşdırıcı mexanizmlər, sahibkarlıq mühitinin yaxşılaşdırılması üçün daha əlverişli şərait yaradılması məqsədilə müvafiq təkliflər hazırlanır. Təkliflərdə vergi, gömrük və kommunal xidmətlər üzrə güzəştlərin tətbiqi, maliyyə mənbələrinə çıxışın asanlaşması (dövlət zəmanəti ilə bank kreditlərinin verilməsi) kimi dəstək tədbirləri əksini tapacaq”, – deyə o, qeyd edib.

Check Also

Azərbaycanın ilk “Ağıllı kənd”inin inşası başa çatıb

Zəngilan rayonunun Ağalı kəndində ilk “Ağıllı kənd”in inşası başa çatıb. Boyukmillet.com xəbər verir ki, bunu …