Çərşənbə axşamı , 9 Avqust 2022
Home » Xarici siyasət » Qazaxıstanlı ekspert: “Türk dövlətləri ortaq dəyərləri, dili, mədəniyyəti qoruyaraq saxlayıb”

Qazaxıstanlı ekspert: “Türk dövlətləri ortaq dəyərləri, dili, mədəniyyəti qoruyaraq saxlayıb”

“Uzun müddət ərzində SSRİ-nin tərkibində olmasına baxmayaraq, türk dövlətləri əlaqələri kəsməyib. Biz repressiyalara rəğmən ortaq dəyərlərimizi, dilimizi, mədəniyyətimizi qoruyub saxlamışıq”.

Boyukmillet.com xəbər verir ki, bunu Qazaxıstanın Tətbiqi Etnosiyasi Araşdırmalar İnstitutunun direktoru Talqat Kaliyev Türk Dövlətləri Təşkilatına üzv ölkələrin beyin mərkəzlərinin Şuşada keçirilən növbədənkənar toplantısında deyib.

O, türk dövlətləri arasında əməkdaşlığın vacibliyini vurğulayıb.

Ekspert sıx qarşılıqlı əlaqəni və mədəni mübadiləni genişləndirmək üçün türk ölkələrinin paytaxtları arasında uçuşların sayının artırılmasını, aviabiletlərin qiymətlərinin sərfəli olmasını təklif edib: “Bu, Türk Dövləti Təşkilatına üzv olan ölkələrin turizm potensialının inkişafı üçün yaxşı imkan yaradacaq”.

T.Kaliyev Zəngəzur dəhlizinin rolunu yüksək qiymətləndirərək əlavə edib ki, bu, Türk Dövləti Təşkilatına üzv olan ölkələr üçün yaxşı imkan yaradır və Avropa ölkələri üçün də yeni marşrutdur.

Check Also

Prezident İlham Əliyev Türkiyəyə işgüzar səfərə gedib

Avqustun 9-da Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğanın dəvəti ilə Türkiyəyə işgüzar …