Çərşənbə axşamı , 2 Mart 2021
Home » Region » Rusiya yenidən Azərbaycanın 5 pomidor istehsalçısına ixrac qadağası qoyub

Rusiya yenidən Azərbaycanın 5 pomidor istehsalçısına ixrac qadağası qoyub

Rusiyanın Baytarlıq və Fitosanitar Nəzarət üzrə Federal Xidməti (“Rosselxoznadzor”) Azərbaycanın daha 5 pomidor istehsalçısına ölkəyə məhsul ixracı ilə bağlı qadağa qoyub.

Boyukmillet.com quruma istinadən xəbər verir ki, bunlar “Binə Aqro” QSC, “Aqro-Favorit”, “Agroterm” və “Xızı Aqropark” MMC-lər, eləcə də fiziki şəxs Vilayət Rüstəm oğlu Məmmədovdur.

Adları çəkilən hüquqi və fiziki şəxslərə məxsus pomidorlar Dağıstan gömrük-keçid məntəqəsində yoxlanılarkən onlarda təhlükəli zərərvericilər aşkar olunduğu bildirilir.

Artıq “Rosselxoznadzor” Azərbaycanın pomidor ixracı ilə bağlı səlahiyyətli qurumuna (Qida Təhlükəsizliyi Agentliyinə) problemlə bağlı müraciət edib. Müraciətdə Rusiyanın və beynəlxalq fitosanitariya tələblərinin pozulmasının qarşısını almaq üçün tədbirlər görmək, sözügedən pomidor istehsalçılarına fitosanitar sertifikat verilməsini dayandırmaq istənilir.

Qeyd edək ki, hazırda Azərbaycanın 33 sahibkarlıq subyektinin Rusiyaya pomidor ixrac etməyə icazə verilir.

Check Also

Etirazçılar Yerevanda hökumət binasına soxulublar

Ermənistanın baş naziri Nikol Paşinyanın əleyhdarları Yerevanda hökumət binasına soxulublar. Boyukmillet.com  xəbər verir ki, məlumatı “RİA …