Çərşənbə axşamı , 2 Mart 2021
Home » Cəmiyyət » Şəhidin yeni doğulan övladına Şuşa adı verildi

Şəhidin yeni doğulan övladına Şuşa adı verildi

Vətən müharibəsində şəhid olan baş leytenant Ağayev Elçin Zakir oğlunun üçüncü qız övladı dünyaya gəlib.

Boyukmillet.com xəbər verir ki, bu gün xəstəxanadan evə buraxılan körpəyə Şuşa adı verilib.

Şəhid yaxınlarının verdiyi məlumata görə, Elçin Şuşanın azadlığında iştirak etməyi arzulayıb, bu şəhəri görmək istəyib. Buna görə də onun yeni doğulan övladına Şuşa adı verilib.

Qeyd edək ki, 1993-cü ildə Cəlilabad rayonunun Günəşli kəndində anadan olan Elçin Ağayev Heydər Əliyev adına Ali Hərbi Məktəbi başa vuraraq,  öz xahişi ilə xidməti vəzifəsini cəbhə bölgəsində davam etdirib və 4 il bölük komandiri işləyib.

Zabitimiz ötən il oktyabrın 6-da Suqovuşan uğrunda gedən döyüşlərdə şəhid olub. Göstərdiyi qəhrəmanlıqlara görə ölümündən sonra “Vətən uğrunda”, “İgidliyə görə”, “Suqovuşanın azad olunmasına görə” və “Laçının azad olunmasına görə” medalları ilə təltif edilib.

Check Also

COVID-19 əleyhinə peyvənd olunmayanlar Həcc ziyarəti edə bilməyəcək

Müsəlman zəvvarlar bu il Həcc ziyarətində yalnız COVID-19 əleyhinə peyvənd olunduqdan sonra iştirak edə biləcəklər. …