Şənbə , 25 Sentyabr 2021
Home » Dünya » SON DƏQİQƏ: Quzey Kıbrısda da yanğın alovlandı

SON DƏQİQƏ: Quzey Kıbrısda da yanğın alovlandı

Quzey Kıbrıs Türk Cümhuriyyətinin (KKTC) Girne bölgəsinin Karşıyaka kəndinin cənub -qərb hissəsindəki meşə sahəsi yanmağa başladı.

Boyukmillet.com xəbər verir ki, saat 12:30 radələrindən başlayan yanğına polis, xilasetmə qrupu, Meşə Müdirliyi, Mülki Müdafiə qrupları, Lapta Bələdiyyəsinə aid su tankerləri, yerli əhali və hərbi personal müdaxilə etdi.

Aldığımız son məlumata görə böyük bir əraziyə yayılan yanğın əsasən nəzarət altına alındı. Bölgədə soyutma işləri davam edir.

Yanğın bölgəsinə gedən Prezident Ersin Tatar səlahiyyətlilərdən məlumat aldı. Tatar açıqlamasında xəbəri alan kimi bölgəyə gəldiyini söylədi.

Yanğının söndürülməsi üçün fövqəladə bir səy göstərildiyini ifadə edən Tatar, “Kəndlilər, muxtar, yanğınsöndürənlər, mülki müdafiə hər kəs buradadır” dedi. Alovların dağın digər tərəfinə keçməsinin qarşısını almaq üçün səy göstərildiyini izah edən Tatar, Türkiyə və Birləşmiş Millətlərə (BMT) də bu mövzuda məlumat verildiyini qeyd etdi.

Baş nazir Ersan Saner də bölgəyə gedərək işləri yerində araşdırdı. Hadisələrin yaxından izlənildiyini ifadə edən Saner, yanğınla əlaqədar Baş nazirlikdə bir böhran masası qurulduğunu ifadə etdi.

Prezident Tatar, Baş nazir Saner, Təhlükəsizlik Qüvvələri Komandanı General -mayor Zorlu Topaloğlu və Xarici İşlər Naziri Tahsin Ertuğruloğlu, helikopterlə havadan yanğın bölgəsini araşdırdı.

Check Also

Зустріч з донькою Національного героя Азербайджану

У приміщенні Почесного консульства Азербайджанської Республіки в м. Харків відбулася чергова дружня зустріч Почесного консула …