Çərşənbə axşamı , 9 Avqust 2022
Home » Qarabağ » Qarabağ » “Xocalı faicəsində rusların iştirakı cüzi olub” – Abutalıb Səmədov yenə rusları müdafiə etdi

“Xocalı faicəsində rusların iştirakı cüzi olub” – Abutalıb Səmədov yenə rusları müdafiə etdi

“İndiki zamanda rusların hər addımını nəzarətdə saxlamalıyıq, onlar bizə dost deyil, ola da bilməzlər. Dəfələrlə müşahidə etmişik, biz 1990-1992-ci illəri deyirik… Çox istərdim ki, Xocalı faicəsi ilə bağlı ermənilərin məsuliyyətini azaltmayaq, rusların iştirakı cüzi olub. Xocalı faciəsini törədən vəhşi ermənilərdir”.

Boyukmillet.com xəbər verir ki, bunu Azərbaycan Naminə Alyans Partiyasının sədri Abutalıb Səmədov deyib.

A.Səmədov bildirib ki, Rusiyanı bu prosesə şərik qoşmaq dövlət maraqlarımıza da xeyir deyil: “Qırğını ermənilər törədib, ruslar yardımçı olub. Biz belə nəticə çıxarmamalıyıq ki, rusların bizə düşmən, ermənilərə dost olublar. 1990-cı ilə SSRİ rəhbərliyi Bakıya qoşun yeritdi, onların tərkibində rus da, belarus da, ukraynalı da, qırğız da, qazax da var idi. Lazımi nəticələr çıxarmalıyıq və unutmamalıyıq. 1991-ci il də var. “Həlqə” əməliyyatı… Ruslar hazırlamışdılar. Orada 100-ə qədər erməni qulduru öldürüldü. Bizə tam imkan verildi ki, bunu edək. Şaumyankənd, Çaykənd, Qarabulaq, Şuşanın iki kəndi, əlavə 10-dan artıq kənd boşaldıldı. Tarixi hadisələri xatırlayanda obyektiviliyimiz gözləməliyik, düzgün nəticə çıxarmalıyıq. SSRİ 1990-cı ilin yanvarında Azərbaycana qarşı vəhşilik törətdi, may ayında da erməniləri qırdı, Yerevanda 40-dan artıq şəxs öldürüldü. Yəni rusdan ötrü fərqi yoxdur qarşısındakı ermənidir, ya azərbaycanlı… Kim rusun maraqlarına qarşı gedirsə, düşmənidir. Tam razıyam, ruslar regiondan çıxmalıdır. Amma biz 20 yanvarın təcrübəsini nəzərə almalıyıq”.

Check Also

İlham Əliyev Laçın dəhlizinə alternativ yolun inşasısının başa çatmaq üzrə olduğunu deyib

Prezident İlham Əliyev Azərbaycan tərəfindən Laçın dəhlizinə alternativ yolun inşasısının başa çatmaq üzrə olduğunu deyib. …