Çərşənbə , 5 Oktyabr 2022
Home » Digər ölkələr » Zelenski: “Rusiya şantajla heç nəyə nail ola bilməyəcək”

Zelenski: “Rusiya şantajla heç nəyə nail ola bilməyəcək”

Ukrayna terrorun hər təzahürünə, bütün hücumlara cavab verməlidir.

Boyukmillet.com xəbər verir ki, bunu Ukrayna Prezidenti Volodimir Zelenski əhaliyə videomüraciətində bildirib.

Onun sözlərinə görə, Ukrayna həmişə sülhə can atıb, dəfələrlə müxtəlif danışıqlar formatlarında Rusiya rəhbərliyinə müharibəni dayandırmağı və Ukrayna torpaqlarını işğaldan azad etməyi təklif edib.

“Rusiya öz təbliğat illüziyalarının əsarəti altındadır və hələ də ümid edir ki, guya müxtəlif şantaj formaları ilə nəyəsə nail ola bilər. Bilməz. Bu o deməkdir ki, biz özümüzü müdafiə etməliyik, terrorun hər bir təzahürünə, hər cür atəşə – bir gün dayanmayan amansız mərmilərə cavab verməliyik.

Təəssüf ki, itkilərimiz var, lakin biz bütün səviyyələrdə, bütün cəbhələrdə mübarizə aparmalı, dövlətimizi mümkün qədər gücləndirməli, birliyimizi qoruyub saxlamalı və anti-müharibə koalisiyamıza daha çox ölkə cəlb etməliyik”, – deyə o bildirib.

Check Also

Ekvadorda həbsxanada toqquşma zamanı 15 nəfər öldürülüb

Ekvadorun Kotopahi əyalətində həbsxanada baş verən qarşıdurmada azı 15 nəfər öldürülüb, 20 nəfər yaralanıb. Boyukmillet.com …