İsrail F-35-i dronla əvəz edəcək

İsrail Amerika F-35 qırıcı təyyarəsi ilə müqayisə edilə bilən performansa malik döyüş dronunu hazırlamağı planlaşdırır.

Boyukmillet.com “Bloomberg”ə istinadən xəbər verir ki, İsrail dövlətinin Amerika hərbi yardımını azaltmağı və onu birgə silah inkişafı və istehsalı proqramları ilə əvəz etməyi planlaşdırdığı bildirilir. Bu plan F-35 qırıcı təyyarəsi ilə müqayisə edilə bilən döyüş dronunun yaradılmasını nəzərdə tutur. Mənbə qeyd edib ki, onun hazırlanmasında digər ölkələr də iştirak edə bilər.

Axios-un əvvəllər xəbər verdiyi kimi, İsrailin Baş naziri Benyamin Netanyahu 28 iyulda ABŞ prezidenti Donald Trampla görüşündə 10 il ərzində Amerikanın yəhudi dövlətinə yardımını sıfıra endirməyi gözlədiyini bildirmişdi.

Qeyd edək ki, İsrail ABŞ-ın Türkiyəyə F-35 satmasına qarşı çıxır.