Boyukmillet.com Biz yanmasaq vətən yanar
Yaponiya hakimiyyəti Rusiyaya qarşı sanksiyaları genişləndirmək üçün plan hazırlayır.
Boyukmillet.com xəbər verir ki, məlumatı “Yomiuri” qəzeti hökumət mənbələrinə istinadən yayıb.
Qəzet qeyd edir ki, son zamanlar Aİ ölkələri Moskvaya qarşı sanksiya təzyiqini artırır və Yaponiyanın da onlara qoşulması mümkündür. Qəzet iddia edir ki, yeni sanksiyalar Rusiya “kölgə donanmasının” gəmilərini hədəf alacaq. Bundan əlavə, ixrac məhdudiyyətlərinin genişləndirilməsi və ixrac nəzarətinin sərtləşdirilməsi ehtimalı da nəzərdən keçirilir.
Sanksiyalar Rusiya prezidenti Vladimir Putinin İturup adasına səfəri ilə əlaqələndirilir.
Yaponiya hökuməti sonuncu dəfə Rusiyaya qarşı sanksiyaları 12 sentyabr 2025-ci ildə, Baş nazir Şigeru İşibanın əvvəlki administrasiyası dövründə tətbiq edib. Hazırkı Baş nazir Sanae Takaiçinin administrasiyası dövründə belə tədbirlər görülməyib.
