Boyukmillet.com Biz yanmasaq vətən yanar
Avropanın müxtəlif şəhərlərində Azərbaycanda həbsdə olan jurnalistlərə diqqət çəkmək məqsədilə başladılan beynəlxalq kampaniya davam edir.
Növbəti dəstək aksiyası Almaniyanın Passau şəhərində keçirilib. Aksiya çərçivəsində Azərbaycanda həbsdə olan jurnalistlərin portretləri şəhərin mərkəzi küçələrində nümayiş etdirilib. Eyni zamanda üzərində “Jurnalistlər Azərbaycan hökuməti tərəfindən həbsdə girov kimi saxlanılır” şüarı yazılmış plakatlar yerləşdirilib.
Təşəbbüsün məqsədi beynəlxalq ictimaiyyətin diqqətini Azərbaycanda söz və media azadlığı ilə bağlı vəziyyətə yönəltmək, həbsdə olan jurnalistlərlə həmrəylik nümayiş etdirməkdir. Kampaniyanın digər Avropa şəhərlərində də davam etdiriləcəyi bildirilir.
