Astara sakinindən 500 manata “Makarov” tapançası alan şəxs tutulub

Astara rayon sakinindən 500 manata “Makarov” tipli tapança alan şəxs tutulub. “Report”un məlumatına görə, noyabrın 2-də Lənkəran şəhər sakini Mahir Məmmədov “Makarov” tapançası ilə tutulub. 

Lənkəran Şəhər Rayon Polis Şöbəsinin (ŞRPŞ) əməkdaşlarının keçirdiyi əməliyyat-axtarış tədbirləri zamanı məlum olub ki, M.Məmmədov həmin silahı Astara rayon sakini Sücayət Hacızadədən 500 manata alıb. 

Lənkəran ŞRPŞ-nin əməkdaşları tərəfindən davam etdirilən əməliyyat-axtarış tədbirləri  nəticəsində S.Hacızadə də tutularaq istintaqa cəlb edilib. 

Faktla bağlı araşdırmalar davam etdirilir.