Boyukmillet.com Biz yanmasaq vətən yanar
Avropa İttifaqı ölkələri və Avropa Parlamenti Avropa miqrasiya qaydalarını sərtləşdirmək üçün prinsipial razılığa gəliblər.
Boyukmillet.com xəbər verir ki, məlumatı Brüsseldə Aİ Şurasının Kipr sədrliyi açıqlayıb: “Aİ Şurası və Avropa Parlamenti Aİ-də qanunsuz yaşayan şəxslərin geri qaytarılması üçün sürətləndirilmiş və daha effektiv ümumavropa prosedurlarının başlanmasına imkan verəcək ilkin razılığa gəliblər”.
Aİ Şurasının əvvəllər bildirdiyi kimi, təklif olunan paketə Aİ xaricində onları qəbul etməyə razı olan ölkələrdə miqrant düşərgələrinin yaradılması ilə bağlı müddəa daxildir. Orada Aİ immiqrasiya orqanları tərəfindən rədd edilən sığınacaq axtaranlar Aİ-dən çıxarılma ilə bağlı apelyasiyalarına baxılmasını gözləyə və ya öz ölkələrinə qayıtmaları həll olunana qədər orada qala biləcəklər.
Yaxın həftələrdə bu sənədin Aİ Şurasının və Avropa Parlamentinin iclasında qanuni olaraq təsdiqlənməsi gözlənilir ki, bu da kompromis mətni razılaşdırıldıqdan sonra sadəcə formallığa çevrilir.
