Cümə axşamı , 20 İyun 2024
Drone Cameras

Azərbaycan kitabları Özbəkistanda sərgilənib

Özbəkistanın paytaxtı Daşkənddə təşkil olunan ümumrespublika kitab həftəsində Azərbaycan kitabları sərgilənib.

Boyukmillet.com xəbər verir ki, Özbəkistandakı Heydər Əliyev adına Azərbaycan Mədəniyyət Mərkəzinin təşkilatçılığı ilə Azərbaycan kitabları Daşkəndin “Turan” kitabxanasında nümayiş olunub.

Tədbir iştirakçıları ilk öncə kitabxananın foyesində Azərbaycana aid kitablardan ibarət sərgi ilə tanış olublar.

Onların istəyinə uyğun olaraq, Azərbaycan Mədəniyyət Mərkəzinin layihəsi əsasında çap edilən görkəmli şairə, Qarabağ xanının qızı Xurşidbanu Natəvanın özbək dilinə tərcümə olunmuş əsərlərindən ibarət “Xurshidga yetar boshim” (Günəşə çatar başım) adlı kitab haqqında K. Məmmədzadə tərəfindən geniş məlumat verilib.

Qeyd edək ki, Daşkəndin tarixi dəyərə malik “Turan” kitabxanasında Azərbaycan Mədəniyyət Mərkəzinin təşəbbüsü və təşkilatçılığı ilə Azərbaycana həsr edilmiş daimi guşə yaradılıb.

Check Also

Nazirlik Bakıda bir sıra memarlıq abidələrində aparılan təmir-bərpa işlərinə aydınlıq gətirib

Son günlər Bakı şəhərində yerləşən bir sıra memarlıq abidələri olan binalarda aparılan təmir-bərpa və abadlıq …