İSİYAD Azərbaycan nümayəndəliyi yaradılıb

İstanbul Sənayeci və Yatırımçı İş Adamları Dərnəyinin (İSİYAD) Azərbaycan nümayəndəliyi yaradılıb. İSİYAD İdarə Heyətinin qərarı ilə İsmayıl Ağayev Azərbaycan İSİYAD şöbə başqanı və təmsilçisi olaraq təyin edilib. Eyni zamanda İSİYAD İdarə Heyətinin qərarı ilə Rusiya Federasiyası və MDB ölkələrində İSİYAD təmsilçiliklərinin açılması səlahiyyətləri İSİYAD Azərbaycan təmsilçisi İsmayıl Ağayevə həvalə edilib. Yaxın günlərdə İSİYAD Azərbaycan təmsilçiliyinin İdarə Heyəti formalaşdırılacaq və burada Azərbaycan və Türkiyə işadamları təmsil olunacaq. İSİYAD Azərbaycan təmsilçiliyi Bakı şəhəri, Nərimanov rayonu, Həsənoğlu küçəsi 9 ünvanında fəaliyyət göstərəcək.