Boyukmillet.com Biz yanmasaq vətən yanar
Ermənistanın Xarici İşlər Naziri Ararat Mirzoyan TRIPP layihəsi çərçivəsində nəzərdə tutulan bəzi infrastruktur xətlərinin, xüsusilə neft və qaz kəmərlərinin Sünik (Zəngəzur) vilayətindən keçməyə biləcəyini bəyan edib.
Boyukmillet.com xəbər verir ki, erməni diplomat bu barədə parlamentin xarici əlaqələr komissiyasının iclasında çıxış edərkən bildirib.
Mirzoyanın sözlərinə görə, Araz çayı ilə qayalıqlar arasında yerləşən Mehri dəmir yolu boyunca olan sahə həddindən artıq dar olduğu üçün bütün infrastruktur obyektlərini eyni dar zolaqda yerləşdirmək texniki cəhətdən mümkünsüzdür.
O qeyd edib ki, həmin ərazidən yalnız dəmir yolu xətti və elektrik ötürücü xətlərin keçməsi planlaşdırılır.
“Ola bilsin ki, neft kəməri Ermənistanın şimal ərazisindən keçsin. Dəqiq ərazi hələ müəyyənləşdirilmədiyi üçün mən TRIPP dəhlizinin ümumi eni barədə dəqiq rəqəm deyə bilmərəm”,-deyə Ermənistanın XİN rəhbəri vurğulayıb.
