Boyukmillet.com Biz yanmasaq vətən yanar
Dünyada neftin qiyməti 8% yüksəlib, tədarük ilə bağlı narahatlıqlar səbəbindən kotirovkalar 2008-ci ildəki rekorda yaxın səviyyəyə çatıb.
Boyukmillet.com TASS-a istinadən xəbər verir ki, bunu hərrac məlumatlarından görmək olar.
Saat 12:36-ya olan məlumata görə, “Brent” markalı neftin may fyuçerslərinin qiyməti 7,72% artaraq bir barelə görə 127,23 ABŞ dollarına, WTI markalı neftin aprel fyuçersləri isə 7,21% bahalaşaraq 124,02 dollar/barelə çatıb.
Ötən gecə hərracların açılışından dərhal sonra “Brent” markalı neftin qiyməti qısa müddətə də olsa, 2008-ci il iyulun 16-dan bəri ilk dəfə bir barel üçün 139,13 ABŞ dollarına çatıb, WTI isə 22 sentyabr 2008-ci il tarixdən bəri ilk dəfə 130 dollar/barelə yüksəlib.
Qeyd edək ki, neftin bir barelinin maksimal dəyəri 2008-ci il iyulun 11-də qeydə alınıb: “Brent” markalı neft 147,5, WTI isə 147,27 ABŞ dollarına çatıb.
