“Nuru Paşanın Bakıda abidəsi qoyulmalıdır”

Sabir Rüstəmxanlı: “Onun xalqımız qarşısındakı xidmətləri danılmazdır”

Bunu Moderator.az-a açıqlamasında sabiq millət vəkili, xalq şairi Sabir Rüstəmxanlı bildirib. Onun sözlərinə görə, Nuru Paşanın abidəsinin qoyulmasına çox böyük ehtiyac var:
“Nuru Paşanın rəhbərliyi ilə türk ordusunun Azərbaycana gəlişi xalqımızı faktiki olaraq erməni-bolşevik qırğınından xilas etdi. Əgər Nuru paşa olmasaydı, o zaman Bakının özündə bir türk, bir müsəlman sağ qlamayacaqdı. Onun xalqımız qarşısındakı xidmətləri danılmazdır. Bu səbəbdən də Nuru Paşanın azad etdiyi Bakıda heykəlinin qoyulması təqdirəlayiq olardı. Nuru Paşanın heykəlinin bu günə kimi qoyulmamasının özü təəssüfedicidir ”.