Boyukmillet.com Biz yanmasaq vətən yanar
Bakı şəhər Səbail rayon bələdiyyəsində Səko ləqəbli şəxs torpaqlara qənim kəsilibdir. Belə ki, bələdiyyənin rəsmi qərarları ilə vətandaşlara verilmiş torpaqlar saxta yollarla qanunsuz və kiminsə cinayət əməlləri nəticəsində başqa şəxslərə verilib. Bələdiyyə rəsmisi olan Səko ləqəbli şəxs tərəfindən saxtalaşdırılmış torpaq sənədlərindən biri Azərbaycan elminin görkəmli simalarından olan Akademik Vəli Əliyevdir. Vəli Əliyevin Səbail rayon icra hakimiyyətinin başçısı Vuqar Zeynalova ünvanlanmış şikayət ərizəsində deyilir: “Mən çətinliklə də olsa həmin ərazini daş hasara almışdım, bu yaxınlarda həmin ərazidə ev tikmək üçün yerimə baxmağa getdim. Mənim ərazim dağıdılmış, yuxarı tərəfə yol açılmış, hasar daşlarım və içəridə olan su çənim naməlum şəxslər tərəfindən götürülmüşdür. Mənə kifayət qədər maddi ziyan vurulub”.
Bu qeyd olunan fakt çoxsaylı sübutlardan biridir. Səbail bələdiyyəsində kök salmış torpaq imperatoru deyilən Səko daha hansı cinayətləri törədib? Səko ləqəbli bələdiyyə rəsmisi kimdir? Bu şəxsin arxasında duranlar kimdir? Bütün bu suallara cavab tapmaq üçün boyukmillet.com saytı olaraq araşdırmalarımızı davam etdiririk.
