“2017-ci ildə bizi çətin sınaqlar gözləyir. İlk olaraq Bakıda keçiriləcək IV İslam Həmrəyliyi Oyunlarında uğurla çıxış etməliyik”.
“Report”un məlumatına görə, bunu jurnalistlərə açıqlamasında 2016-cı il Rio-de-Janeyro Yay Olimpiya Oyunlarında gümüş medal qazanmış sərbəst güləşçi Toğrul Əsgərov deyib.
T.Əsgərov sərbəst güləş üzrə yığma komandadakı məşqçi dəyişikliyindən və evdə keçirilən yarışların məsuliyyətindən danışıb: “Ümumiyyətlə doğma azarkeşlər, doğma divarlar qarşısında keçirilən yarışlar çox məsuliyyətli və çətindir. İnanıram ki, “Bakı 2015″ I Avropa Oyunlarında qazandığımız uğurları İslam Oyunlarında da təkrarlayacağıq. Yığma komandada məşqçi dəyişikliyi olur. Bu cür proseslər uzun müddətdir müşahidə olunur. Bütün proseslər yığmanın xeyrinədir”.
Olimpiya mükafatçısı qarşıdan gələn yeni il münasibəti ilə Azərbaycan xalqını təbrik edib: “Qarşıdan 31 dekabr – Dünya Azərbaycanlıların Həmrəyliyi Günü və Yeni il gəlir. Bu bayramlar münasibətilə hər bir kəsi, eləcə də idmançıları təbrik edir, onlara uğurlar arzu edirəm”.
Check Also
Bu gün Azərbaycandan Ermənistana 979 ton yanacaq göndərilib
Azərbaycandan Ermənistana neft məhsullarının tədarükü davam etdirilir. Boyukmillet.com xəbər verir ki, bu gün 979 ton “Aİ …


Boyukmillet.com Biz yanmasaq vətən yanar
