Boyukmillet.com Biz yanmasaq vətən yanar
Təhlükəsizlik qüvvələrinin “sona çatan terrorizm” strategiyası ilə PKK-nın ölkə daxilindəki hərəkət bölgələri ciddi şəkildə məhdudlaşdırılıb. Son üç ildə həyata keçirilən müvəffəqiyyətli əməliyyatlarla 809 terrorçu zərərsizləşdirilib, təşkilatın 832 üzvü təslim olub.
Boyukmillet.com xəbər verir ki, bu barədə “Türkiyə” qəzeti məlumat yayıb.
Məlumatda PKK terror təşkilatını birdəfəlik sıradan çıxarmaq üçün yeni dövrün başladığı bildirilib. Bu istiqamətdə terrorizmlə mübarizə üçün kritik bölgələrdə təhlükəsizlik nöqtələrinin sayını artırmaq üçün düyməyə basılıb.
Bu günə qədər daxili təhlükəsizlik əməliyyatları çərçivəsində ümumilikdə 102113 əməliyyat həyata keçirilib. Terror təşkilatının 1990-cı illərdən bəri ən zəif dövrünü yaşadığı bildirilib.
Əlavə olaraq, uğurlu əməliyyatlarla yerli terrorçuların sayı 87 faiz azaldılıb, hazırda Türkiyə daxilində 320 yerli terrorçunun olduğu qeyd edilib. Bundan əlavə, bu il PKK-ya yalnız 52 nəfər qoşulsa da, son dörd ildə ümumilikdə 832 terrorçu təşkilatdan ayrılaraq təslim olub. Təhlükəsizlik orqanlarının əməkdaşları PKK-nı daxildə yox etmək üçün bu günə qədər uşaqlarını təşkilatdan qurtarmaq üçün 15385 ailə ilə görüşüb. 2016-cı ildən bəri 1856 terrorçu təslim olub.
İl ərzində PKK-nın qanlı aktlarının sayı da 90 faiz azaldılıb.
