Boyukmillet.com Biz yanmasaq vətən yanar
Ukrayna Ukraynanın müdafiə məsələləri üzrə beynəlxalq Təmas Qrupunun “Ramştayn” formatında növbəti iclası ərəfəsində – 8 sentyabrda NATO-ya hava hücumundan müdafiə (HHM) və raket əleyhinə müdafiə (REM) sahəsində birinci növbəli ehtiyacların siyahısını təqdim edib.
Boyukmillet.com xəbər verir ki, bu barədə Ukraynanın Müdafiə Nazirliyi bəyanat verib.
Bu baxımdan Brüsseldəki NATO-nun baş qərargahında Alyansın baş katibi Mark Rüttenin sədrliyi ilə Ukrayna-NATO Şurasının növbədənkənar iclası keçirilib.
“Ukrayna tərəfi müttəfiqlərə aktual hava təhdidlərinin qiymətləndirməsini təqdim edib və əlavə silahların verilməsinin sürətləndirilməsinə çağırıb”, – Müdafiə Nazirliyinin məlumatında deyilir.
Nazirlikdə qeyd ediblər ki, HHM və REM-in gücləndirilməsi “Ramştayn” formatında qarşıdakı iclasın əsas məsələlərindən biri olacaq.
