Boyukmillet.com Biz yanmasaq vətən yanar
Ukrayna Silahlı Qüvvələrinin Pilotsuz Sistemlər Qüvvələrinin komandanı Robert Brovdi (“Madyar”) Voronejdə “Wildberries” logistika obyektinin və Rusiyanın Orenburq vilayətinin Orsk şəhərindəki neft emalı obyektinin vurulduğunu bildirib.
Boyukmillet.com xəbər verir ki, bu barədə Brovdi “Telegram”da yazıb.
Onun sözlərinə görə, obyektlər avqustun 11-i gecə hücumları zamanı vurulub.
O, həmçinin Krımda və Ukraynanın işğal olunmuş ərazilərinin cənubunda hərbi və enerji obyektlərinə zərbələrin endirildiyini bildirib.
Brovdinin məlumatına görə, Qara dənizdə “kölgə donanması”nın bir gəmisi vurulub, həmçinin Rusiyanın “Buk-M3” zenit-raket kompleksi məhv edilib.
Bundan başqa, maddi-texniki təminat və sursat anbarları, eləcə də Berdyansk, Mariupol və digər yaşayış məntəqələrindəki enerji obyektləri zərbələrə məruz qalıb.
Dəymiş ziyanın miqyası dəqiqləşdirilir.
