3 YAŞIN MÜBARƏK-DİASPOR.İNFO FOTOLAR

25 Dekabr 2020 Cəmiyyət

3 YAŞIN MÜBARƏK-DİASPOR.İNFO.

Bu həftə Diaspor.info saytının 3 yaşı tamam olur.
25 DEKABR.

Saytın təsisçisi və baş redaktoru kimi ötən üç il ərzində kollektivin zəhməti və qarşılaşdığı problemlərdən yazmaq istəyirəm.
Adından da göründüyü kimi sayt əsasən diaspor sahəsindən yazmaqla öz işinə başladı. Bir müddət sonra diaspor sahəsindən başqa təhsil, səhiyyə, ekologiya, şəhid ailələri və qazilərimizdən, tikinti-quruculuq və abadlıq işlərindən və s. sahələrdən məqalələri artırmağa başladıq.

Saytımızın Ukrayna, Naxçıvan və Türkiyə bürosu fəaliyyət göstərir. Ötən üç ildə ədalətli tənqidi yazılarımızla daha çox gündəmdə olduq, daha çox şər-böhtanlara məruz qaldıq. Ancaq bütün bunlara baxmayaraq, diaspor sahəsindəki dostlarımızı haqlı tənqid etməkdən usanmadıq. Heç kim bizi haqlı işimizdən döndərə bilmədi. Bizim bir amalımız var, dövləti, vətəni satmayan bütün diaspor fəallarından maraqlı məqalələr hazırlamaqdan zövq alırıq. Elə diaspor rəhbərləri vardır ki, biri-birini öldürmək üçün sifariş etmələri haqqında çəkişmələri olduğu halda biz

hər ikisindən xoş yazılar yazdıq. Düzdür bəzən heç bir fəaliyyəti olmayan diaspor rəhbərlərini tənqid etdiyimizə görə bütün qurumlara şikayət belə olunduq.
Təkcə bir qurum “Diasporla İş Üzrə Dövlət Komitəsi” ilk gündən bizimlə səmimi əməkdaşlıq etdi. Fuad Muradov sözügedən komitəyə rəhbər təyin olunduqdan sonra digər jurnalistlər kimi bizim də üzümüzə qapılar açıldı. Bu qurum hər kəsə eyni münasibət göstərir, təki sən ədalətli ol, yetər.

Bu üç il ərzində bir dəfə belə olmadı ki, diaspor sahəsindən bəzi neqativ halları işıqlandırdığımıza görə, bizə komitə tərəfindən adi bir zəng, xahiş olunsun. Onlar ədalətli yazılarımıza görə bizə hörmətlə yanaşır və həmişə səmimi əməkdaşlıq edirlər.
Bu gün elə rayon icra hakimiyyəti başçıları vardır ki, onların rayonlarından tənqidi yazılar yazdığımıza görə açıq-aşkar saytımıza müharibə elan ediblər. Müxtəlif əyri yollara əl atırlar ki, sayta ləkə vursunlar.
Ötən üç il ərzində o qədər qısqanclıqla qarşılaşdıq ki, saymaqla bitmədi.

Baş redaktor kimi özüm xarici səfərlərimin birində Ukraynada yaşayan, milliyətcə erməni olan və hazırda ehtiyyatda olan sovet hərbçisindən müsahibə aldım. Müsahibim söhbət zamanı dönə-dönə vurğuladı ki, Qarabağ Azərbaycandır. Bu sözləri adi bir erməni demirdi, sovet kəşviyyatçısı deyirdi. Həmin vaxtı Vətən müharibəsindən söhbət belə getmirdi.
Ukraynadan iki beynəlxalq jurnalistin Azərbaycana gəlişini və Quba məzarlığına səyahətlərini təşkil etdim. İmena jurnalında Azərbaycan həqiqətlərinin dünyaya çatdırılması üçün vacib olan bir neçə məqalə dərc edildi.
Ukrayna Azərbaycan Beynəlxalq Alyansın keçirdiyi sorğuya görə 2019 –cu ildə İlin Jurnalisti adına layiq görüldüm. Alyans sədri Elmar Məmmədovun gördüyü işlərdən geniş yazılar yazdıq.
Diaspor komitəsinin dünyadakı diaspor təşkilatları arasına barışın gətirdiyini xüsusi olaraq işıqlandırdıq. Bu böyük bir iş idi, bu çətin işin öhdəsindən məhz Fuad Muradov və onun komandası gəldi. Koordinasiya şuraları, radalar və s. yaradıldı ki, bu da ümumilikdə Diasporamızın işini daha keyfiyyətli qurmağa xidmət edir.

Diaspor.info saytının işıq üzü görməsi, bir çox mətbu orqanların kimlərinsə gördüyü işləri kölgədə saxlamasına son qoydu. Bizim bir xidmət borcumuz var: Vətənini sevən, ona az da olsa xidmət edənlərin işini işıqlandırmaq, onları gördükləri işə daha da, həvəsləndirməkdir.
Bu gün pandemiya şəraitində yollar bağlı olmasına baxmayaraq, yenə də, diaspor təşkilatlarımızın gördüyü işlər haqqında telefon vasitəsilə məlumatlar toplayır və yenə də, məqalələr hazırlayırıq.
İkinci Qarabağ savaşı, “Vətən Müharibəsi” başlayan gündən döyüşçü, qazi və Şəhid ailələrindən xeyli məqalələr hazırladıq. Bəzi döyüşçü ailələrinin qarşılaşdığı problemləri rayon rəhbərləri qarşısında qaldıraraq, həllinə nail olmuşuq.
Diaspor.info saytı olaraq, bundan sonra da, çalışacağıq ki, tutduğumuz yolla daha sürətli hərəkət edək. Qərəzsiz və ədalətli yazılarımızla öz nüfuzumuzu qoruyub saxlayaq.