Boyukmillet.com Biz yanmasaq vətən yanar
ABŞ rəsmiləri Dəməşqi kürdlərin rəhbərlik etdiyi Suriya Demokratik Qüvvələrinə (SDF) qarşı hərbi əməliyyatını genişləndirəcəyi təqdirdə Suriya əleyhinə məhdudiyyətlərin geri qaytarılacağı ilə hədələyiblər.
Boyukmillet.com xəbər verir ki, məlumatı The Wall Street Journal (WSJ) mənbələrə istinadən yayıb.
Mənbələrə görə, ABŞ-ın Suriya üzrə xüsusi nümayəndəsi Tom Barrak və ABŞ Mərkəzi Komandanlığının (CENTCOM) rəhbəri admiral Bred Kuper eskalasiyanın daha da artmasının qarşısını almaq üçün hər iki tərəflə gündəlik danışıqlar aparırlar.
WSJ-nin məlumatına görə, ABŞ-ın vitse-prezidenti J.D.Vens Suriya prezidenti Əhməd əl-Şaraa ilə danışıb və onu kürdlərlə fikir ayrılıqlarını həll etməyə inandırmağa çalışıb. Qəzetin mənbələri bildirib ki, danışıqlar zamanı ABŞ rəsmiləri Dəməşq daha genişmiqyaslı hücuma keçərsə, Suriya hökumətinə qarşı sanksiyaları bərpa etməklə hədələyiblər.
