Bilik Fondunda “Puşkin İnstitutu” tərəfdaşlıq şəbəkəsi mərkəzi yaradılıb

Azərbaycan Respublikasının Prezidenti yanında Bilik Fondunda “Puşkin İnstitutu” tərəfdaşlıq şəbəkəsi mərkəzi yaradılıb.

AZƏRTAC xəbər verir ki, dekabrın 19-da mərkəzin açılışına həsr olunmuş tədbir keçirilib.

Tədbirdə Bilik Fondunun icraçı direktoru Oqtay Səmədov yeni mərkəzin yaradılmasının məqsədi, fəaliyyət istiqamətləri barədə məlumat verib. Qeyd olunub ki, bu mərkəz Bilik Fondu ilə Rusiyanın A.S.Puşkin adına Dövlət Rus Dili İnstitutu arasında imzalanmış müqavilə çərçıvəsində təşkil edilib. Burada rus dili üzrə kurslar keçiriləcək.

Dövlət Rus Dili İnstitutunun prorektoru Marina İvanovna və digər çıxış edənlər mərkəzin səmərəli fəaliyyət göstərəcəyinə əminliklərini bildiriblər.