Bazar , 31 May 2020
Son Xəbər
Home » Manşet » “Biz təyyarələrlə yüzlərlə ton yardım göndərmişik” – Prezident Əliyev

“Biz təyyarələrlə yüzlərlə ton yardım göndərmişik” – Prezident Əliyev

“Biz indi iki təşkilata sədrlik edirik və bu iki təşkilatın Zirvə görüşünü keçirmişik – Türk Şurası və Qoşulmama Hərəkatı və ən yüksək səviyyədə. Qoşulmama Hərəkatının və Türk Şurasının yekun bəyannaməsində Azərbaycanın xüsusi rolu qeyd olundu”.

Boyukmillet.com xəbər verir ki, bu sözləri bu gün Azərbaycan Respublikasının Prezidenti İlham Əliyev Bakının Nizami rayonunda yerləşən 3 saylı DOST mərkəzinin açılışında AzTV-yə müsahibəsində söyləyib.

Prezident bildirib ki, biz hər bir işə çox məsuliyyətlə yanaşırıq və bizim sədrliyimiz formal xarakter daşımamalıdır və daşımır: ” Ona görə çətin gündə kimin imkanı varsa, kömək etməlidir, həyatda da, siyasətdə də. Bu, bizim, necə deyərlər, adət-ənənələrimizə də uyğundur. Ona görə bu gün bu yardımın göstərilməsi hesab edirəm ki, düzgün addımdır. Bu günə qədər biz 13 ölkəyə yardım göstərmişik və bu haqda ancaq son vaxtlar danışmağa başlamışıq. Biz təyyarələrlə yardımlar göndərmişik, yüzlərlə ton yardım göndərmişik. Azərbaycanda istehsal olunan dezinfeksiya vasitələri, qoruyucu vasitələr və digər əşyalar göndərmişik, amma bunu reklam etməmişik. Bunu mənəvi borc bilərək etmişik, o ölkələrə ki, onlar bizə müraciət edib. Biz bilirik, o ölkələrin maliyyə vəziyyəti imkan vermir ki, onlar lazımi tədbirləri görsün. Əminəm ki, bu yardım bir çox insanın həyatını xilas etdi. Əsas məsələ budur. Beləliklə, 13 ölkəyə artıq yardım göstərilib, o cümlədən üç beynəlxalq təşkilata yardım göstərilibdir. Bu, bir daha bizim məsuliyyətimizi göstərir”.

Check Also

İSBAM sədri Rusiya sərhəddində qalanlarla bağlı çağrış etdi – VİDEO

Boyukmillet.com İSBAM sədri Samir Adıgözəllinin Rusiya sərhəddində soydaşlarımızın üzləşdiyi vəziyyətlə bağlı etdiyi videoçıxışı təqdim edir.