Cümə axşamı , 28 Mart 2024
Drone Cameras

Cəlilabadda Vətən müharibəsi şəhidinin doğum günü keçirilib

Cəlilabad rayonunda Vətən müharibəsi şəhidi Əkbər Hüseynlinin doğum günü mərasimi keçirilib.

Boyukmillet.com xəbər verir ki, anım mərasimi şəhidin ata ocağında, rayonun Alar kəndində baş tutub.

Mərasimdə rayon rəsmiləri, şəhidin yaxınları və sakinlər iştirak edib. Qeyd edək ki, Əkbər Azər oğlu Hüseynli 15 oktyabr 2001-ci ildə Cəlilabad rayonunun Alar kəndində dünyaya göz açıb. H.Əliyev adına 1 nömrəli tam orta məktəbi bitirən Əkbər Hüseynli təhsilini Bakı Sosial İqtisad Kollecində davam etdirirdi.

O, təhsilini yarımçıq qoyub könüllü olaraq 15 oktyabr 2019-cu ildə həqiqi hərbi xidmətə yollanıb. Vətən Müharibəsinin ilk günlərindən isə ön cəbhədə qəhrəmancasına vuruşub, Murov yüksəkliyinin alınmasında xüsusi igidliklər göstərib. Goranboy-Tərtər istiqamətində gedən döyüşlərdə iştirak edərək, şəhidlik məqamına yüksəlib.

Evin tək oğul övladı olan şəhidimiz 17 dekabr 2020-ci ildə doğulduğu Alar kəndində torpağa tapşırılıb.

Göstərdiyi qəhrəmanlığlara görə, ölümündən sonra Ali Baş Komandan tərəfindən “Vətən uğrunda” və “Suqovuşanın azad olunmasına görə” medalları ilə təltif edilib.

Check Also

Bağanis-Ayrım soyqırımından 34 il ötür

Erməni silahlı birləşmələrinin Azərbaycan xalqına qarşı törətdiyi Bağanis-Ayrım soyqırımından 34 il ötür. Boyukmillet.com xatırladır ki, …