Boyukmillet.com Biz yanmasaq vətən yanar
Aprelin 14-də Dünya Azərbaycanlıları Konqresi İdarə Heyətinin onlayn toplantısı keçirilib. Azərbaycan, ABŞ, Türkiyə, Kanada və Rusiyadan İdarə Heyətinin üzvləri və təmsilçilərin qatıltığı toplantıda təşkilatın fəaliyyəti, Qurultaya hazırlıq işləri müzakirə olunub.
DAK-ın fəaliyyətinin yeni dövrün tələblərinə uyğun daha da güclənməsi və genişlənməsi üçün təkliflər verilib. DAK sədri Sabir Rüstəmxanlı təşkilatın diaspor işlərində, milli məsələlərdə rolunu vurğulayaraq dünyada Azərbaycanla bağlı məsələlərə çevik reaksiyanın vacibliyini bildirib. Millət vəkili xüsusilə Ermənistanla sülh sazişinin müzakirə olunduğu dövrdə imzalanma prosesində bəzi Qərb ölkələrinin Azərbaycan əleyhinə apardıqları qərəzli siyasətə diqqət yetirərək DAK təmsilçilərinin bu prosesə qarşı fəalllığının vacibliyini qeyd edib.
Toplantıda həmçinin Yaxın və Orta Şərqdə yaranmış gərginlik,İran-İsrail münaqişəsinin hərbi müstəviyə keçməsindən ciddi narahatlılıq ifadə olunub. DAK İdarə Heyəti münaqişələrin güc yolu ilə həllinin əleyhinə olduğunu bildirərək Güney Azərbaycanda yaşayan soydaşlarımızın taleyindən narahatlığı ifadə edib.
