Boyukmillet.com Biz yanmasaq vətən yanar
Bakıda keçirilən Qara Dəniz Ticarət və İnkişaf Bankının (BSTDB) 24-cü İllik Toplantısında Ermənistan tərəfi iştirak etmir.
Boyukmillet.com xəbər verir ki, Bankın 11 üzvündən biri – Ermənistan Bakıda keçirilən toplantıya qatılmayıb.
Qeyd edək ki, iki gün davam edəcək və bu gündən başlayan İllik Toplantıda BSTDB-yə üzv dövlətlərin – Albaniya, Bolqarıstan, Gürcüstan, Moldova, Rumıniya, Rusiya, Türkiyə, Yunanıstan və Ukraynanın nümayəndələri iştirak edirlər.
BSTDB – Qara Dəniz İqtisadi Əməkdaşlıq Təşkilatının 11 dövlətini birləşdirən beynəlxalq təşkilatdır. Təşkilatda pay bölgüsü belədir: Türkiyə, Rusiya və Yunanıstan – hərəyə 16,5 %, Rumıniya – 14 %, Ukrayna və Bolqarıstan – hər biri 13,5 %, Azərbaycan – 5 %, Albaniya – 2 %, Ermənistan – 1 %, Gürcüstan və Moldova – hər biri 0,5 %. Bank Qara dəniz regionu ölkələri arasında iqtisadi əməkdaşlığı, ticarəti və əməkdaşlığı inkişaf etdirməyi hədəfləyir.
