Bazar ertəsi , 26 Avqust 2019
Home » Dünya » Ermənistanın hərbi təyyarəsi qəzaya uğrayıb, iki pilot ölüb – YENİLƏNİB

Ermənistanın hərbi təyyarəsi qəzaya uğrayıb, iki pilot ölüb – YENİLƏNİB

Ermənistan Hərbi Hava Qüvvələrinə məxsus “Su-25” hücum təyyarəsi qəzaya uğrayıb.

“Report” Ermənistan KİV-inə istinadən xəbər verir ki, bunu ölkənin Müdafiə Nazirliyinin mətbuat xidmətinin katibi Artsrun Ovannisyan “Facebook” səhifəsində yazıb.

Gümrü şəhərindəki aeroportdan havaya qalxandan sonra radarlardan itən döyüş təyyarəsinin qəzaya uğraması nəticəsində 2 pilot ölüb. Bunlar polkovnik-leytenant Armen Babayan və mayor Movses Manukyandır.

Təyyarənin qalıqları Ermənistanın şimal-qərbində yerləşən Şirak vilayətinin Maralik şəhəri yaxınlığındakı dağlıq ərazidən tapılıb.

*** 13:03

Ermənistan ordusunun Hərbi Hava Qüvvələrinə məxsus “Su-25” hücum təyyarəsi Gümrü şəhərindəki aeroportdan havaya qalxandan sonra radarlardan itib.

“Report” “İnterfax”a istinadən xəbər verir ki, məlumatı Ermənistanın Müdafiə Nazirliyi yayıb.

Bildirilib ki, Rusiya istehsalı olan “Su-25” döyüş təyyarəsi plana uyğun olaraq təlim uçuşu keçirirmiş. Gümrüdəki hava limanından uçan təyyarə havaya qalxandan sonra onunla əlaqə kəsilib.

Hazırda təyyarənin axtarışları aparılır.

Check Also

Pakistan beynəlxalq ictimaiyyətə çağırış etdi – Hindistanın Kəşmirdə yaxınlaşan soyqırımının qarşısını alın…

Pakistan Baş naziri İmran Xan, Hindistanın işğal etdiyi Kəşmirdə gözlənilən soyqırım təhlükəsinin qarşısını almaq üçün …