Boyukmillet.com Biz yanmasaq vətən yanar
Şimali Kipr Türk Cümhuriyyətinin (ŞKTC) Prezidenti Ersin Tatar adanın yunan administrasiyasının rəhbəri Nikos Anastasiadisin Pasxa mesajında irəli sürdüyü iddialara cavab verib.
Boyukmillet.com xəbər verir ki, ŞKTC Prezident Adminstarsiyasından verilən məlumata görə, Prezident Ersin Tatarın açıqlaması belədir:
“27-29 aprel tarixlərində Cenevrədə keçirilmiş qeyri-rəsmi 5 + BMT iclasında təqdim etdiyimiz iki bərabər suveren dövlətin iş birliyinə əsaslanan həll təklifimiz böyük əks-səda yaratdı. Yunan tərəfi yalan və böhtana əsaslanan qara təbliğat aparmaqla dünya ictimaiyyətini aldatmağa çalışır. Bunun son nümunəsini qırğında mühakimə olunan yunan administrasiyasının rəhbəri Anastasiadisin yayımladığı pasxa mesajında gördük. Anastasiadisin dini mesajında belə qəzəb və kin, qiymətləndirilməsi lazım olan başqa bir məsələdir.
Anastasiadis mesajında ”mənim vətəndaşlarım” deyərək ,Kipr Türk xalqına səslənərkən, anaxronist və hökmran düşüncəsini bir daha ortaya qoydu və “vətəndaşlarımız” deyərək, xalqımızı təhqir etmək üçün sayğısızlıq göstərdi. Dünya və Anastasiades bilməlidir ki, Kipr Türk xalqı azlıq və yunan tərəfinin vətəndaşı deyil, azad və suveren ŞKTC-nin vətəndaşıdır. Xalqımızı təhqir edən, yunan xalqını, müttəfiqlərini və içimizdəki genişlənmələri “birlikdə mübarizə aparmağa” çağıran və ŞKTC ilə Türkiyəni hədəf olaraq göstərdiyi zaman, dialoq və barışıqdan nə qədər uzaq olduğunu bir daha ortaya qoydu.
Anastasiadis iki bərabər suveren dövlətin Cenevrədəki əməkdaşlığına əsaslanan bir həll təklifi təklifimi “yeni bir Osmanlı İmperiyası xəyal edənlərin təkəbbürü” olaraq qiymətləndirsə də, Anastasiadisə cavabım güzgüyə baxmaq və sayğısız şəxsin kim olduğunu görməkdir. 1571-ci ildə Kipri fəth edən və onu Türk vətəni edən Osmanlının nəvələri və Türk oğlu olduğumuz üçün qürur duyuruq. Müzakirə masasına gətirdiyim iki bərabər suveren dövlətin əməkdaşlığına əsaslanan təklifim, Kipr Türk xalqının əksəriyyətinin iradəsidir və bölgənin ən böyük və ən güclü ölkəsi olan Türkiyə tərəfindən də dəstəklənir.
Türk tərəfi Cenevrədə əldə edilmiş bərabər statusa və suverenliyə hörmət tələb edərkən, Kipr Helenizmini müdafiə etdiyini və terror təşkilatı EOKA-nı təriflədiyini söyləyən Anastasiadis, “Kipr Cümhuriyyəti”nə qoşulmağımızı təklif etdi.
Anastasiadis Cenevrədə danışıqlar masasına gətirdiyim iki suveren bərabər dövlətə əsaslanan həll modelinin “Kipr Türk xalqının əksəriyyətinin iradəsinə zidd olduğunu” yalanını danışarkən, 18 oktyabrda ŞKTC-də keçirilən prezident seçkilərinin nəticələrini unutmuş kimi görünür. Anastasiadisə tövsiyəm budur ki, bu seçki nəticələrinə bir daha baxsın və iki suveren bərabər dövlətə əsaslanan həll modelini gündəmə gətirdiyim üçün Kipr Türk xalqının məni Prezident seçdiyini bir daha görsün.
Anastasiadis açıqlamasında, BMT Təhlükəsizlik Şurasının birtərəfli, ədalətsiz və siyasi düşüncələrlə qəbul etdiyi qətnamələrin arxasında gizlənməyə çalışıb, “Kipr Türklərinin haqlarını və hüququnu da zəmanət altna almağa çalışdığını” irəli sürərkən, yunan rəhbərliyinin 1963-74-cü dönəmində Kipr Türk xalqına soyqırımı tətbiq etdiyini, Kipr Türk xalqının insan haqlarını ayaqlar altında tapdandığını, Kipr Türk xalqının bütün haqları ilə hüququnu silah gücünə qəsb etdiyini gizlətməyə çalışır. Uzun illərdir insanlarımıza tətbiq olunan təcrid və embarqolar insan haqlarının bir başqa pozuntusudur və onlara qarşı mübarizəmiz davam edir.
Anastasiadisin “Türk tərəfinə qarşı vəzifəyə çağırdığı” Avropa Birliyinə cavabım Annan Planı referendumunda Kipr Türk xalqına verdiyi sözləri yerinə yetirməsi və yunan tərəfdarı tutumundan vaz keçməsidir. Çünki AB-nin bu münasibəti yunan münaqişəsini alovlandırsa da, həll səylərinə xidmət etmir.
Anastasiadis də mesajında tapılacaq həll modelinin zəmanətlərin aradan qaldırılması və türk əsgərlərinin Kiprdən çıxarılmasını ehtiva etməsini, hələ də gerçəkləşməyəcək boş bir xəyal yürütməsini söylədi. Türkiyənin təsirli və faktiki təminatçısı ilə Türk əsgərlərinin Kiprdə olması bizim qırmızı xəttimizdir və onlardan vaz keçməyimiz əsla mümkün deyil.
Xalqımdan aldığım güc və dəstəklə, Türkiyənin də dəstəklədiyi iki suveren bərabər dövlətin həll modelini Cenevrədəki danışıqlar masasına qoydum. Bu, bir mərhələdir və yarım əsrdən çoxdur davam edən və heç bir nəticə verməyən federasiya danışıqlarına son qoyuldu. Xalqımızın federasiya nağılları ilə aldandıqları və yunanların azlığına çevrilmək istədikləri deyilirdi.
Müzakirə masasına qoyduğumuz təklifimiz, Kipr və bölgənin xeyrinədir və ən real həlldir. Buna baxmayaraq, “tək dişli canavarlar” ın birliyimizi və həmrəyliyimizi sarsıtmaq üçün beşinci kolon fəaliyyətlərini gücləndirərək hər cür yol və metoddan istifadə etdiklərini görürük. Biz də bunlara hazırıq və narahatlığımız yoxdur. Çünki Vətən Türkiyə bütün gücü ilə bizimlədir və bu yolda birlikdə yürüməyə davam edəcəyik. Bu yoldan geriyə dönüş də yoxdur”.
