İndoneziyanın Azərbaycandakı yeni səfiri Naxçıvanın Bakıdakı daimi nümayəndəliyində olub

Naxçıvan Muxtar Respublikasının Bakı şəhərindəki daimi nümayəndəliyinin rəhbəri Bəxtiyar Əsgərov İndoneziya Respublikasının Azərbaycanda yeni təyin olunmuş fövqəladə və səlahiyyətli səfiri Hildi Hamidlə görüşüb.
Boyukmillet.com-un xəbərinə görə Daimi nümayəndəlikdən bildiriblər ki, görüşdə iki dost ölkə arasındakı siyasi, iqtisadi, mədəni münasibətlər, Naxçıvan Muxtar Respublikası ilə bir çox sahələrdə, xüsusilə turizm əlaqələri, regional vəziyyət, qarşıda duran vəzifələr, rəsmi səfərlər və digər maraqlı mövzular ətrafında müzakirələr aparılıb.